No uso da competencia sobre pensións non contributivas da Seguridade Social, atribuída na disposición adicional décimo oitava do Real decreto lexislativo 1/1994, do 20 de xuño, polo que se aproba o texto refundido da Lei xeral da Seguridade Social (BOE do 29 de xuño) e no artigo 21 do R.D. 357/1991, do 15 de marzo (BOE do 21 de marzo), a falta dos datos necesarios para proceder á tramitación dos expedientes que a continuación se relacionan, ó seren devoltas polo servicio de correos as peticións de documentación enviadas no seu día e en virtude do disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE do 27 de novembro), requírense os abaixo citados para que no prazo de 10 días, contados desde o seguinte ó da data de publicación deste edicto, comparezan persoalmente ou debidamente representados, na Área de Servicios Sociais da Coruña (Concepción Arenal 7-9), para teren coñecemento do trámite

ou documentación que teñen que achegar ó expediente. De non compareceren no prazo indicado, ou se dentro dos 15 días seguintes ó da comparecencia non achegasen a documentación requirida, en virtude do disposto nos artigos 71 e 76 da Lei 30/1992, teranse por desistidos da correspondente solicitude de pensión non contributiva e procederase ó arquivo do expediente sen máis trámite.

A Coruña, 17 de xuño de 1999.

Diego Bernal Llorente

Delegado provincial da Coruña

ANEXO