A Consellería de Cultura, Comunicación Social e Turismo, unha vez cumpridos os trámites administrativos correspondentes, resolveu anuncia-la licitación, mediante procedemento aberto por concurso e trámite de urxencia, das seguintes contratacións:
1. Servicios de organización do curso Talleres 99, método e proxecto: entre a análise, a praxe e a verificación.
Orzamento de licitación: once millóns cincocentas mil pesetas (11.500.000 ptas.), IVE incluído.
Prazo de execución: un (1) mes.
Garantía provisional: dispensada.
Clasificación do contratista: non se esixe.
2. Obra de rehabilitación do Pazo de Lourizán, Herbalonga, Lourizán (Pontevedra).
Orzamento de licitación: corenta e catro millóns setecentas once mil novecentas vintedúas pesetas (44.711.922 ptas.), IVE incluído.
Prazo de execución: seis (6) meses.
Garantía provisional: dispensada.
Clasificación do contratista: grupo C, categoría d. Grupo K, subgrupo 7, categoría d.
Exposición da documentación: o prego de cláusulas administrativas particulares, o de prescricións técnicas e o proxecto estarán de manifesto no Servicio de Obras e Contratación da Consellería de Cultura, Comunicación Social e Turismo, e nas delegacións provinciais durante o prazo de presentación de proposicións, das 10 ás 14 horas, e no teléfono: 981 58 89 38.
Prazo de presentación de proposicións: será ata as 14 horas do décimo terceiro día natural, contado a partir do día seguinte ó da publicación desta resolución no DOG.
Lugar de presentación de proposicións: no rexistro xeral da consellería en sobres pechados e asinados polo licitador ou persoa que o represente. Se as proposicións se cursan por correo, haberá que aterse ó previsto na cláusula 7.2 do prego de cláusulas administrativas particulares.
Documentación que presentarán os licitadores: a establecida pola cláusula 7 do prego de cláusulas administrativas particulares. Os licitadores que se presenten a máis dunha contratación deberán presentar toda a documentación para cada un dos contratos.
Apertura de proposicións: será realizada pola mesa de contratación ás 11 horas do quinto día natural seguinte ó do remate do prazo de admisión de proposicións na sala de xuntas da Consellería de Cultura, Comunicación Social e Turismo.
Se coincidise en sábado ou festivo, terá lugar o inmediato día hábil seguinte á mesma hora.
O importe do anuncio deste concurso será por conta dos adxudicatarios.
Santiago de Compostela, 23 de xullo de 1999.
P.D. (Orde 15-12-1997)
Andrés González Murga
Secretario xeral da Consellería de Cultura,
Comunicación Social e Turismo
