Aprobado inicialmente, en Comisión de Goberno do Concello do Grove do 27 de abril deste ano, o proxecto de urbanización de vía de nova apertura perpendicular á Avda. Tte. Domínguez, que foi presentado para a súa aprobación ante este concello por iniciativa particular de Eladio Domínguez Vila E/R de Innor, S.L.
De conformidade co establecido no artigo 44.3 da Lei 1/1997, do 24 de marzo, do solo de Galicia, sométese a información pública o citado proxecto de urbanización de vía durante un mes, contado desde a publicación deste anuncio no DOG. Encóntrase o expediente á disposición dos interesados nas oficinas de secretaría do concello para o seu exame.
Así mesmo, efectúase por medio deste anuncio notificación a aqueles propietarios de terreos afectados descoñecidos ou, intentada a notificación, non se lles puido practicar, nos termos do artigo 42.6º da Lei 1/1997, do 24 de marzo.
O Grove, 24 de xuño de 1999.
José A. Galiñanes Mascato
Alcalde