Neste organismo autónomo achegáronse as peticións de outorgamento de concesión e autorización administrativas para a instalación dun aproveitamento hidroeléctrico con potencia nominal de ata 5.000 kVA dun tramo libre do río Pontepedra, presentadas cos proxectos das obras e instalacións e estudio ambiental correspondentes.
No anexo que se inclúe máis abaixo transcríbese a relación individualizada por peticionarios do aproveitamento solicitado, onde figuran os datos máis relevantes que os definen, ademais dunha breve descrición das obras que se van executar, facendo constar, de se-lo caso, a petición de declaración de utilidade pública do aproveitamento para os efectos de expropiación forzosa, e a relación concreta na que se recollen os bens e/ou dereitos afectados cos seus propietarios. Tamén se fai mención da clase de estudio ambiental achegado polo promotor, logo
da cualificación do proxecto do aproveitamento, segundo dispón a lexislación vixente.
Co presente anuncio, para dar cumprimento ó disposto nos artigos 6 do R.D. 916/1985, do 25 de maio, en concordancia co artigo 2.1º do dito R.D. 916/1985 segundo a redacción establecida polo R.D. 249/1988, do 18 de marzo; e 2.4º do Decreto 327/1991, do 4 de outubro, que regulan a avaliación dos efectos ambientais para Galicia, sométese de forma simultánea, unha vez rematadas as actuacións de comprobación e de remisión ás consellerías e organismos competentes por razón da materia dos documentos presentados, ó trámite de información pública, no uso das facultades conferidas polo Decreto 63/1997, do 14 de marzo, a petición e documentación técnica e ambiental que se trata en concreto no anexo para os efectos do seu coñecemento xeral, co fin de que aquelas persoas naturais ou xurídicas que se consideren afectadas nos seus dereitos poidan formular, por escrito, cantas alegacións, observacións, suxestións e reclamacións coiden procedentes (indicando a clave do concurso sinalada no
encabezamento e o proxecto ou estudio do peticionario ó que se refiran), persoalmente ou por medio do seu representante con poder suficiente, perante o rexistro xeral da Consellería de Política Territorial, Obras Públicas e Vivenda -Edif. Advos. San Caetano, s/n. 15071 Santiago de Compostela e dentro do prazo improrrogable de vinte (20) días hábiles.
O prazo comezará a contarse e entenderase aberto a partir da data da derradeira das publicacións que corresponden facer da presente resolución no Diario Oficial de Galicia e no BOP da Coruña. Transcorrido o dito período de tempo non se admitirá nin se terá en conta ningún escrito.
Para os expresados efectos, este anuncio, ademais da súa inserción nos diarios oficiais mencionados, será obxecto de exposición ó público no taboleiro de anuncios da Casa do Concello de Tordoia (A Coruña).
Este trámite realízase igualmente en función do artigo 59.4º da Lei 30/1992, do 26 de novembro, cando os titulares dos bens e/ou dereitos propostos polo peticionario sexan descoñecidos e así dirixirlle ó Ministerio Fiscal no seu momento as dilixencias que se produzan destes, de conformidade co artigo 5 da Lei de expropiación forzosa do 16 de decembro de 1954.
Os que se consideren interesados terán para os devanditos efectos informativos á disposición copia da petición e dos exemplares da documentación técnica e estudio ambiental para que poidan ser examinados, nos días e horas habituais de oficina, nas seguintes dependencias administrativas:
Proxectos das obras constitutivas do aproveitamento e das instalacións electromecánicas da central,
subestacións de transformación e liñas de media e baixa tensión:
-Servicios centrais do Departamento de Xestión do Dominio Público Hidráulico de Augas de Galicia: Consellería de Política Territorial, Obras Públicas e Vivenda, Edif. Advos. San Caetano, s/n. 15071 Santiago de Compostela.
-Delegación Provincial da Coruña da Consellería de Industria e Comercio: Edif. Advos. Monelos, praza de Luis Seoane, 1ª , planta, 15008 A Coruña.
-Dirección Xeral de Calidade e Avaliación Medioambiental: r/ Feáns, 1-3, 15706 Santiago de Compostela.
Estudio de efectos ambientais:
-Dirección Xeral de Calidade e Avaliación Medioambiental: r/ Feáns, 1-3, 15706 Santiago de Compostela.
-Delegación provincial de Medio Ambiente da Coruña: praza de Luis Seoane, s/n, 15008 A Coruña.
-Concello de Tordoia: Pontepedra, s/n, 15683 Tordoia (A Coruña).
Santiago de Compostela, 2 de xuño de 1999.
Agustín Hernández Fernández de Rojas
Presidente do organismo autónomo Augas de Galicia
ANEXO
Relación de peticionarios
Peticionario e promotor: Unión Distribución de Electricidad, S.A. (UDESA).
Enderezo: rúa Madrid, nº 1-bajo, 15703 Santiago de Compostela (A Coruña).
Representante: José Manuel Arufe Rieiro.
Denominación do aproveitamento: aproveitamento hidroeléctrico no río Pontepedra.
* Os aspectos máis destacados son:
Obxecto: producción de enerxía eléctrica.
Caudal máximo derivado: 2.400 l/sg.
Corrente de derivación: río Pontepedra (cota de toma: 325,8).
Corrente de restitución: río Pontepedra (cota de finalización: 265,3).
Desnivel (salto bruto): 60,5 m.
Altura do azude: 2,8 m.
Potencia xerador: 1.200 kW.
Termo municipal onde radica a toma e demais obras: Concello de Tordoia (A Coruña).
* Breve descrición das características principais das obras e instalacións:
Azude e obra de toma.
Preténdese empregar un xa existente a poucos metros augas abaixo da desembocadura do Rego da Braña de Zudes. Consta dunha parte sobre o río de 14,60 m de lonxitude e 2,8 m de alto e de outra de 13,50 m na marxe dereita do río da que sae
unha pequena canle, e sobre a que se fará a nova obra de toma.
Canle de alimentación.
A canle irá pola marxe dereita do río, aproveitando nun primeiro tramo o existente (ampliándoo) para continuar con outra obra nova ata a cámara de carga. Terá unha lonxitude e 940 m.
Cámara de carga.
Consta dunha canle que conduce as augas ata o encanamento forzado e dúas canles laterais que recollen as augas que puideran verter da canle central cara a un conducto de excedentes. Trala canle central sitúase a cámara de carga propiamente dita.
Encanamento forzado.
Irá soterrado. Será de aceiro ou carbono, cun diámetro de 1.000 mm, un espesor de 6 mm e unha lonxitude de 155 m.
Central.
O edificio estará nas proximidades do Campo do Muíño. Estructura de formigón armado con planta de 9,5x10 m e unha altura máxima á parte inferior das cembas de 8,5 m. A súa tipoloxía será acorde coa paisaxe.
Equipos electromecánicos.
Instalaranse unha turbina Francis de eixe horizontal, para un salto neto de 58,23 m, caudal máximo de 2.400 l/sg, potencia nominal de 1.200 kW e velocidade de xiro de 750 r.p.m.
Á turbina adaptaráselle un xerador asíncrono-trifásico, de potencia nominal 1.250 kVA e tensión 6.000 V.
O transformador será trifásico, cunha potencia de 1.250 kVA, e unha relación de 20 kV±2.5/6.000 kV.
Ademais situaranse diversos equipos auxiliares.
* Afeccións.
Efectúase a solicitude de declaración de utilidade pública do aproveitamento, sendo os bens e/ou dereitos afectados polas obras e instalación para os fins da necesaria expropiación forzosa, os que de seguida se indican cos seus propietarios:
Concello: Tordoia (polígono nº 43)
predioNº
Propietario m
562 bis Eugenio Castro Santos Azude e toma
562 Eugenio Castro Santos 1.000
558 Manuel Juncal Juncal 75
557 José Juncal Méndez 150
556 M. Francisco Juncal Juncal 160
555 María Muíño Juncal 320
554 Jesús Seoane Regueiro 200
553 Jesús Seoane Regueiro 180
552 Leonor Suárez 170
predioNº
Propietario m
551 Celia Suárez 130
550 Miguel Castro Ríos 320
549 Juana Liste Iglesias 140
548 José Liste Iglesias 120
547 Domingo Castro Liñares 350
546 Antonio Becerra Brea 300
545 Antonio Fraga Liñares 325
544 Antonio Becerra Brea 120
543 María Muíño Juncal 230
542 Jesús Seoane Regueiro 60
541 Jesús Seoane Regueiro 50
540 José Juncal Méndez 80
539 M. Francisco Juncal Juncal 55
538 Manuel Juncal Juncal 40
537 Miguel Castro Ríos 160
536 Domingo Castro Liñares 160
535 Antonio Liste Rodríguez 250
534 Manuel Suárez Ríos 225
533 Juana Liste Iglesias 180
532 José Liste Iglesias 200
530 Antonio Fraga Liñares 610
527 José Juncal Méndez 70
526 M. Francisco Juncal Juncal 70
525 María Muíño Juncal 400
524 Jesús Seoane Regueiro 90
523 Manuel Juncal Vilariño 195
522 Antonio Liste Rodríguez 100
507 Antonio Suárez Liste 1.125
518 Antonio Fraga Liñares 50
517 Domingo Castro Liñares 650
505 Antonio Becerra Brea 200
504 Manuel Juncal Juncal 60
503 Descoñecido 160
502 Antonio Liste Rodríguez 350
501 María Muíño Juncal 250
500 Juana Liste Iglesias 2.925
499 José Liste Iglesias 2.100
498 Domingo Castro Liñares 2.500
* Estudio de efectos ambientais.
Este documento presentouse conforme a normativa aplicable.
Peticionario e promotor: Juan Ramón Fernández Jorge.
Enderezo: r/ San Andrés, 56-7º D, 15003 A Coruña.
Representante: Juan Ramón Fernández Jorge.
Denominación do aproveitamento: aproveitamento hidroeléctrico Salto do Lobo.
* Os aspectos máis destacados son:
Obxecto: producción de enerxía eléctrica.
Caudal máximo derivado: 1.200 l/sg.
Corrente de derivación: río Pontepedra (cota do escorredoiro: 333).
Corrente de restitución: río Pontepedra (cota de restitución: 276).
Desnivel (salto bruto): 57 m.
Altura do azude: 3,5 m (altura sobre fondo de cimentación).
Potencia xerador: 750 kVA.
Termo municipal onde radica a toma e demais obras: Concello de Tordoia (A Coruña).
* Breve descrición das características principais das obras e instalacións:
Azude e obra de toma.
O azude será de gravidade, á cota de leito 330, situando o escorredoiro á cota 333. A lonxitude total do azude será de 10 m.
A captación de augas efectuarase pola marxe dereita, dispoñendo antes un flotador, unha reixa de protección, un limparreixas automático e comportas de peche, seguidos dunha cámara de sedimentación.
O acceso ó azude efectuarase dende a estrada que une Pontepedra con Gorgullos, á altura do p.k. 7,5, mediante un desvío de 800 m.
Canal de derivación.
Irá soterrado pola marxe dereita, e será de formigón armado, cunhas dimensións de 1,5x1,3 m e unha lonxitude de 900 m.
Cámara de carga.
Disporase de escorredoiro de urxencia e comporta de fondo para baleirado.
Encanamento forzado.
O encanamento vai todo soterrado e será de aceiro ó carbono, cun diámetro de 800 m. A espesura prevista é de 6 mm.
Central.
A central, con dimensións en planta 6x7, e altura a parte inferior das cembas de 6 m, terá paredes de formigón con reboque liso e cuberta de lousa a dúas augas.
Para o acceso á central construirase un camiño de 100 m que partirá do que xa pasa polo lugar Salto do Lobo, cara a Campo do Muíño.
Equipos electromecánicos.
A turbina será do tipo Francis de eixe horizontal, cunha velocidade nominal de 1.000 r.p.m. e un caudal de deseño de 1.200 l/sg.
O xerador será síncrono trifásico, con potencia en bornas de 750 kVA, velocidade síncrona de 750 r.p.m. e tensión 6 kV.
Tamén haberá outros equipos auxiliares.
* Afeccións.
Non se efectuou a solicitude de declaración de utilidade pública do aproveitamento.
* Estudio de efectos ambientais.
Este documento presentouse conforme a normativa aplicable.