Bases
1. O Consello da Cultura Galega, a través do Arquivo da Emigración Galega, convoca o premio Arquivo da Emigración Galega para radio. Poderán participar nel xornalistas e colaboradores de radio que difundisen, entre o 1 de setembro de 1998 e o 10 de setembro de 1999, noticias, crónicas, entrevistas ou reportaxes, que fagan referencia á emigración galega en calquera das súas facetas.
2. O prazo de presentación dos traballos rematará o día 10 de setembro de 1999.
3. A copia enteira do programa deberá ser entregada no Rexistro do Consello da Cultura Galega en soporte casete por duplicado. En todo momento deberá quedar clara a autoría do traballo, podéndose esixir unha certificación do director do medio para identifica-lo autor. Os candidatos incluirán unha certificación do medio indicando data e hora en que foi emitido o programa.
4. O xurado estará formado polo presidente do Consello da Cultura Galega, o director do Arquivo da Emigración Galega, tres expertos en estudios migratorios e dous xornalistas do medio radiofónico nomeados pola Comisión Executiva por proposta do Arquivo da Emigración Galega.
5. A decisión do xurado, que será inapelable, darase a coñece-lo día 30 de setembro do presente ano. O xurado ten a potestade de declarar deserto o premio.
6. Haberá un único premio de 500.000 pesetas para o traballo seleccionado.
7. A participación neste premio supón a aceptación destas bases.
Santiago de Compostela, 2 de xullo de 1999
Carlos Casares Mouriño
Presidente do Consello da Cultura Galega