O Consello da Xerencia de Urbanismo, en sesión do día 24 de xuño de 1999, acordou aprobar definitivamente o proxecto de urbanización do Plan parcial O Pombal presentado por José Carlos Alonso Pena en calidade de presidente da Xunta de Compensación, redactado polo enseñeiro de camiños, canles e portos Alberto Moreno García e visado os días 26 de xaneiro e o 18 de xuño de 1998, así como o seu complementario de urbanización da vía de baixada á Pontenova redactado tamén polo mesmo enxeñeiro de camiños e visado o día 26 de outubro de 1998 e o 27 de maio de 1999.

O presente anuncio servirá de notificación nos termos previstos no artigo 59 da Lei de réxime xurídico das administracións públicas e do procedemento administrativo común para todos aqueles propietarios que sexan descoñecidos, se ignore o lugar de notificación ou intentada esta non se puidese practicar.

Vigo, 8 de xullo de 1999.

Lois Pérez Castrillo

Alcalde-presidente da Xerencia Municipal

de Urbanismo