A Sociedade de Imaxe e Promoción Turística de Galicia, S.A. anuncia a convocatoria para a contratación laboral fixa das seguintes prazas no Centro Superior de Hostalería de Galicia:
A) Posto: profesor de aloxamento-área pisos (REF. ALP-999).
1. Funcións principais: baixo a dirección e supervisión do responsable do departamento, participará na preparación das materias da área (incluíndo elaboración de material) así como na impartición de clases e avaliación de alumnos. Así mesmo, colaborará na organización e xestión da residencia do centro e do servicio de limpeza e lavandería.
2. Prazas: 1 (xornada completa).
3. Requisitos:
-Titulación oficial ou específica na área.
-Experiencia profesional na área de 18 meses, dos que un mínimo de 6 serán como subgobernanta ou posto superior.
-Experiencia docente.
4. Valorarase:
-Currículo.
-Coñecementos profesionais.
-Aptitude docente.
-Ofimática (Microsoft Office).
-Capacidade de integración en equipos de traballo.
5. Probas que se van realizar:
-Exame de coñecementos profesionais, eliminatorio (ver temario anexo I).
-Impartición de clase.
-Planificación docente.
-Proba práctica de Microsoft Word 97 para Windows.
-Cuestionario de personalidade.
-Entrevista persoal.
B) Posto: profesor de técnicas de instalacións (REF. INS-1099).
1. Funcións principais: baixo a supervisión do responsable do departamento, participará na preparación das materias da área (incluíndo elaboración de material) así como na impartición de clases e avaliación de alumnos.
2. Prazas: 1 (tempo parcial).
3. Requisitos:
-Arquitectura (técnica ou superior) ou enxeñería (técnica ou superior).
-Experiencia profesional na área de 12 meses.
-Experiencia docente.
4. Valorarase:
-Currículo.
-Aptitude docente.
-Ofimática (Microsoft Office).
-Capacidade de integración en equipos de traballo.
5. Probas que se van realizar:
-Exame de coñecementos profesionais eliminatorio (ver temario anexo II).
-Impartición de clase.
-Planificación docente.
-Proba práctica de Microsoft Word 97 e Microsoft Excel 97.
-Cuestionario de personalidade.
-Entrevista persoal.
C) Documentación que hai que presentar:
-Solicitude por posto ó que se opta, indicando a referencia, dirixida ó director do CSGH (A Barcia. Estrada Santiago de Compostela-Noia, Km 3. Apartado 578. 15896 Santiago de Compostela).
-Currículo.
-Acreditación orixinal dos méritos reflectidos no C.V. Os títulos obtidos no estranxeiro deberán estar validados en España.
-Certificación académica que indique as cualificacións obtidas na titulación requirida e o número de convocatorias por materia.
D) Prazo de presentación de solicitudes:
-O prazo de presentación de solicitudes será de 10 días hábiles contados a partir do seguinte ó da
publicación deste anuncio no Diario Oficial de Galicia.
E) Selección:
-Expirado o prazo de presentación de solicitudes, o comité de selección designado para cada unha das prazas publicará as listas previas de admitidos e excluídos a cada proceso.
Santiago de Compostela, 21 de xuño de 1999.
Heriberto Verdes Vilaseca
Director xerente de Turgalicia, S.A.
ANEXO
Profesor de aloxamento-área pisos.
-Proba de coñecementos.
1. Organización e funcións das áreas de pisos e lavandería.
2. Equipamento e técnicas de limpeza.
3. A limpeza dos cuartos e áreas comúns.
4. Operacións en dormitorios.
5. Control do fluxo da roupa.
5.1. Documentación.
5.2. Reconto, clasificación e marcaxe.
5.3. Desmanchado.
5.4. Lavado e secado.
5.5. Pranchado, encartado e almacenaxe.
6. A roupa: tipos, características e tratamento.
7. Maquinaria e equipamento da lavandería.
8. Axentes limpadores.
9. Cálculo e control de custos.
Profesor de técnicas de instalacións.
-Proba de coñecementos.
1. Deseño e confección de planos.
2. Materiais de construcción.
3. Auga: abastecemento, almacenamento e distribución.
4. Electricidade: abastecemento, distribución, aforro e medidas de seguridade.
5. A electrónica aplicada á industria hoteleira.
6. Combustibles: tipos, usos en hotelería, abastecemento, almacenamento, distribución e medidas de seguridade.
7. Calefacción, refrixeración e ACS: sistemas e a súa aplicación na hostalería.
8. Equipamento hoteleiro: maquinaria.
9. Deseño de interiores.
10. A seguridade nos hoteis.
