En virtude das facultades conferidas na vixente normativa de contratación, anúnciase a licitación dun contrato de consultoría e asistencia, suxeito ás seguintes bases:

1. Entidade adxudicataria.

a) Organismo: Secretaría Xeral de Investigación e Desenvolvemento, adscrita á Consellería de Presidencia e Administración Pública.

b) Dependencia que tramita o expediente: Servicio de Xestión.

c) Número de expediente: 99-04-1639.

2. Obxecto do contrato.

a) Descrición do obxecto: realización dun estudio de desenvolvemento dun sistema de seguimento e avaliación do Plan Galego de Investigación e Desenvolvemento Tecnolóxico-PGIDT.

b) Prazo de execución:

1ª Fase: realización do estudio do PGIDT, identificación de obxectivos e indicadores e deseño dun sistema de información e seguimento do PGIDT: 3 meses contados desde a sinatura do contrato.

2ª Fase: desenvolvemento do sistema de información e seguimento do PGIDT: desde o remate da 1ª fase ata 1 de decembro de 1999.

3ª Fase: posta en marcha do sistema de información do PGIDT: desde o remate da 2ª fase ata 30 de marzo do ano 2000.

4ª Fase: avaliación e seguimento do exercicio 1999: desde o remate da 3ª fase ata 30 de xuño do ano 2000.

3. Tramitación, procedemento e forma de adxudicación.

a) Tramitación: ordinaria.

b) Procedemento: aberto.

c) Forma: concurso público.

4. Orzamento base de licitación.

Importe total: o orzamento máximo autorizado ascende a quince millóns de pesetas (15.000.000 de pesetas) dos que dez millóns de pesetas (10.000.000 de ptas.) corresponden á anualidade do ano 1999 e cinco millóns de pesetas (5.000.000 de ptas.) a anualidade do ano 2000.

5. Garantía provisional:

Importe: 300.000 ptas.

Obtención de documentación e información: poderán retirala no Rexistro da Secretaría Xeral de Investigación e Desenvolvemento, Rúa dos Feáns, nº 7, 15706 Santiago de Compostela, teléfonos: 981 54 10 87/54 10 88.

7. Requisitos específicos do contratista.

a) Clasificación: non se esixe.

b) Outros requisitos: as empresas licitadoras deberán acredita-la súa solvencia económico-financeira e técnica ou profesional, de conformidade co esixido no prego de cláusulas administrativas particulares.

8. Presentación de ofertas:

Presentarase de conformidade co previsto no prego de cláusulas administrativas particulares, no prazo de 26 días contados a partir do seguinte ó da publicación do presente anuncio no DOG, no Rexistro da Secretaría Xeral de Investigación e Desenvolvemento en horario de 9 a 14 h, ou ben na forma prevista no artigo 100 do Regulamento de contratos do Estado.

9. Apertura de ofertas.

Realizarase o terceiro día seguinte ó de remate de presentación de proposicións, ás 12 horas nas dependencias da Secretaría Xeral de Investigación e Desenvolvemento; no caso de cadrar en sábado, a apertura terá lugar o día hábil seguinte.

O importe do presente anuncio, correrá a cargo da empresa adxudicataria.

Santiago de Compostela, 25 de xuño de 1999.

Miguel Ángel Ríos Fernández

Secretario xeral de Investigación e Desenvolvemento