Visto o expediente instruído por instancia de Blanca Garrido de la Cierva, na súa calidade de representante da entidade mercantil Viajes Marsáns, S.A., en solicitude da autorización de apertura de dous novos establecementos, nas rúas Peña, 4 do Porriño e Venezuela, 42 de Vigo, da axencia de viaxes Viajes Marsáns, S.A., do grupo maiorista-retallista, co código identificativo CIC MA 18, que ten a súa casa central en Madrid, na Avda. de Burgos, 16-D.
Resultando que o interesado xunto coas solicitudes achegou toda a documentación á que fai referencia o artigo 10 do Regulamento das axencias de viaxes de Galicia, aprobado mediante o Decreto 155/1989, do 22 de xuño.
Resultando que na tramitación dos expedientes se observaron tódolos requisitos e formalidades establecidas regulamentariamente.
Considerando que na empresa solicitante e nos novos establecementos da axencia de viaxes concorren tódalas condicións esixidas polo mencionado regulamento para a obtención da súa autorización.
Vistos o Real decreto 2086/1983, do 1 de setembro, de traspaso de funcións e servicios do Estado á Comunidade Autónoma de Galicia en materia de
turismo, a Lei 1/1983, do 22 de febreiro, reguladora da Xunta de Galicia e do seu presidente, o Decreto 155/1989, do 22 de xuño, polo que se aproba o Regulamento das axencias de viaxes de Galicia, e a Orde do 12 de xaneiro de 1998, da Consellería de Cultura, Comunicación Social e Turismo, pola que se delega no director xeral de Turismo a competencia para autoriza-los novos establecementos e dependencias auxiliares das axencias de viaxes xa autorizadas, esta Dirección Xeral de Turismo
RESOLVE:
Autorizarlle á axencia de viaxes Viajes Marsáns, S.A., sita en Madrid, na Avda. de Burgos, 16-D, da que é titular a entidade mercantil Viajes Marsáns, S.A., a apertura de dous novos establecementos nas rúas Peña, 4 do Porriño e Venezuela, 42 de Vigo, que serán inscritos no Rexistro de Empresas e Actividades Turísticas da Comunidade Autónoma galega.
Contra esta resolución, que pon fin á vía administrativa, poderase interpoñer recurso contencioso-administrativo ante o Tribunal Superior de Xustiza de Galicia, no prazo de dous meses contados desde o día seguinte ó da súa publicación no Diario Oficial de Galicia, de conformidade co artigo 46 da Lei 29/1998, do 13 de xullo, reguladora da xurisdicción contencioso-administrativa.
Previamente poderá interpoñer recurso potestativo de reposición no prazo dun mes contado desde o día seguinte ó da publicación desta resolución no DOG.
Todo iso sen prexuízo da posibilidade de interpoñer recurso extraordinario de revisión nos supostos e prazos previstos no artigo 118 da Lei 30/1992, do 26 de novembro, de réxime xurídico das administracións públicas e do procedemento administrativo común.
Santiago de Compostela, 14 de xuño de 1999.
P.D. (Orde 12-1-1998)
Aurelio Miras Portugal
Director xeral de Turismo