En cumprimento do disposto no artigo 22.1º da Lei 3/1985, do 12 de abril, do patrimonio da Comunidade Autónoma e 55 do seu regulamento, e á vista das competencias que teño atribuídas conforme o Decreto 13/1997, do 23 de xaneiro,
RESOLVO:
Facer público que, por razóns da urxencia en dispor do local e das peculiaridades do ben, ó tratarse dun local adxacente a outros ocupados pola Comunidade Autónoma de Galicia, se xustifica, logo da fiscalización da Intervención Delegada da Consellería de Economía e Facenda e por proposta da Secretaría Xeral de Investigación e Desenvolvemento, dependente organicamente da Consellería da Presidencia e Adminitración Pública, a utilización do procedemento de contratación directa no aluguer dun local de 342 m para oficinas, máis 50 m para garaxe no soto terceiros, sitos no edificio sito na rúa dos Feáns, 3-D, en Santiago de Compostela, para a instalación de dependencias da Comunidade Autónoma de Galicia.
Santiago de Compostela, 4 de xuño de 1999.
Emilio Álvarez Rey
Secretario xeral e do Patrimonio da Consellería
de Economía e Facenda