A Comisión de Goberno, en sesión celebrada o 31 de maio de 1999 aprobou, con carácter inicial, o proxecto de urbanización da parcela situada nas rúas Amado Carballo, Xosé Malvar Figueroa e rúa de nova de apertura sobre a que se aprobou un estudio de detalle entre a rúa Amado Carballo e a unidade de actuación nº 9 aprobado por acordo plenario de 29-1-1998, sendo formulado este proxecto de urbanización, mediante iniciativa particular, por Os Regos Promociones, S.L., coa denominación de obra ordinaria, e composto do documento con visado da Delegación en Pontevedra do COAG con data do 10-3-1999 e novo plano de número 2, intervido colexialmente o 12-4-1999, reformando e anulando o correlativo daquel, documentación redactada polos arquitectos Ignacio e José A. Hermo Túñez, e informe da compañía adxudicataria do servicio municipal de augas Aquagest, asinado polo xefe de explotación o día 8-4-1999, dispoñéndose o seu sometemento á información pública.

Durante o prazo dun mes, contado a partir da publicación deste anuncio no Diario Oficial de Galicia, calquera interesado poderá examinar na Unidade de Fomento do concello (rúa Dona Tareixa) a documentación inicialmente aprobada, e formula-las alegacións que coide pertinentes.

Pontevedra, 7 de xuño de 1999.

Juan Luis Pedrosa Fernández

Alcalde

Julio Dapena Outomuro

Secretario xeral