De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícanselle a Dionisia Villa Alonso, Francisco Javier Paredes Benavent e Jesús Fernández Pérez, as resolucións do secretario xeral da Consellería de Sanidade e Servicios Sociais denegatorias das aperturas de oficinas de farmacia solicitadas por eles e que constan nas dependencias desta División de Farmacia e Productos Sanitarios para que poidan ter coñecemento do seu contido.
Así mesmo, fáiselles saber que, de acordo cos artigos 114 a 117 da Lei 30/1992, do 26 de novembro e 1.2º do Decreto 288/1996, do 12 de xullo, sobre competencias e procedemento para a autorización de apertura de oficinas de farmacia, dispoñen do prazo dun mes, contado desde o día seguinte ó da publicación desta cédula, para interpor recurso de alzada perante o conselleiro de Sanidade e Servicios Sociais.
Para que conste e lles sirva de notificación ós destinatarios, expido, asino e selo a presente cédula.
Santiago de Compostela, 7 de xuño de 1999.
Berta Cuña Estévez
Directora xeral da División de Farmacia
e Productos Sanitarios