Por resolución da Dirección Xeral de Industria da Xunta de Galicia, do 29 de abril de 1999, autorizouse o proxecto de instalación da gasificación do noroeste: ramal a Curtis, que discorre polos termos municipais de Curtis, Mesía, Vilasantar, Abegondo e Cesuras. Declarada a utilidade pública e a urxente

ocupación de conformidade co disposto nos artigos 103 e 104 da Lei 34/1998, do 7 de outubro, do sector de hidrocarburos, procede a iniciación do expediente expropiatorio.

Na súa virtude, esta delegación provincial, en cumprimento do disposto no artigo 52 da Lei de expropiación forzosa do 16 de decembro de 1954, resolve convoca-los titulares de bens e dereitos afectados para que comparezan no concello onde radican os predios afectados, como punto de reunión para, de conformidade co procedemento que establece o precitado artigo 52, levar a cabo o levantamento das actas previas á ocupación e se procederá ó das de ocupación definitiva.

Tódolos interesados, así como as persoas que sexan titulares de calquera clase de dereitos e intereses sobre os bens afectados, deberán acudir persoalmente ou representados por persoa debidamente autorizada, achegando os documentos acreditativos da súa titularidade e o último recibo da contribución, podéndose acompañar pola súa conta, dos seus peritos e un notario, se o estiman oportuno.

O levantamento de actas terá lugar o próximo día 19 de xullo de 1999 no Concello de Abengondo, a partir das 9 horas; os días 20, 21, 22, 23, 26 e 27 de xullo de 1999 no Concello de Mesía, a partir das 9 horas; o día 28 de xullo de 1999 no

Concello de Cesuras, a partir das 9 horas; o día 29 de xullo de 1999 no Concello de Curtis, a partir das 9 horas, e no Concello de Vilasantar, a partir das 16 horas; e o día 30 de xullo de 1999, no Concello de Vilasantar, a partir das 9 horas.

A orde de levantamento de actas comunicarase a cada interesado mediante a oportuna cédula de citación, figurando a relación de titulares convocados no taboleiro de edictos dos concellos sinalados.

É de significar que esta publicación se realiza igualmente para os efectos que determina o artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, de notificación da presente resolución ós titulares descoñecidos dos predios que se describen no anexo, así como daqueles que resultasen de titularidade descoñecida ou con enderezo ignorado da relación que se someteu ó trámite de información pública para o outorgamento da resolución da Dirección Xeral de Industria.

No expediente expropiatorio, Enagás, S.A. asumirá a condición de beneficiaria.

A Coruña, 16 de xuño de 1999.

Jesús Espada Martínez

Delegado provincial da Coruña

Relación de titulares descoñecidos ou con domicilio ignorado

Convocatoria actas previas

Proxecto: ramal a Curtis.

Termo municipal: Abegondo.

Termo municipal: Mesía.

Termo municipal: Cesuras.

Termo municipal: Vilasantar.

Termo municipal: Curtis.

Convocatoria actas previas

Proxecto: ramal a Curtis.

Abreviaturas utilizadas: EPC= Estación Protección Catódica, LE= liña eléctrica, PO= Posición.

Termo municipal: Abegondo.