Os Conxuntos Mínimos Básicos de Datos (CMBD) son unha agrupación de datos de fácil obtención, orientados a producto e deseñados para tratamento informático, con aplicacións a nivel asistencial, de xestión dos propios centros, de planificación, epidemiolóxico e de investigación. Para que todo isto se poida facer, os CMBD deben reunir unha serie de características, como son exhaustividade, seren elaborados con criterios uniformes de normalización de codificación e persoal con formación homoxénea. Todo isto vén regulamentado na Orde do 23 de marzo de 1999 pola que se crea a Unidade de Referencia dos CMBD sociosanitarios co obxecto de mante-la normalización dos sistemas de información e unificación dos criterios de codificación.
En consecuencia, en virtude das facultades que me confiren os artigos 34 e 38 da Lei 1/1983, do 22 de febreiro, reguladora da Xunta e do seu presidente, modificada pola Lei 11/1988, do 20 de outubro,
DISPOÑO:
Artigo único.-Noméanse membros da Unidade de Referencia dos CMBD sociosanitarios as persoas seguintes:
Presidenta: Mª José Rubio Vidal, subdirectora xeral do Programa de Atención Sociosanitaria.
Secretario: Joan Ribot Margarit, xefe do Servicio de Planificación e Coordinación da Dirección Xeral de Servicios Sociais.
Vocais:
Designada pola Subdirección Xeral do Programa de Atención Sociosanitaria:
Pilar Salinas Buján, xefa da Área de Persoas Maiores.
Designada pola Subdirección Xeral de Información Sanitaria:
Mª Carmen Blanco Ramos, Servicio de Análise de Sistemas de Información.
En representación dos hospitais de media estadía:
Nieves Rodríguez Sánchez, ATS/DUE do Complexo Hospitalario Juan Canalejo-Marítimo Oza da Coruña.
En representación de Atención Primaria da Saúde:
Peregrina Eiroa Patiño, médica do centro de saúde Pintor Colmeiro de Vigo.
En representación das residencias da terceira idade ou centros de minusválidos:
Inés Cancelas López, ATS/DUE da residencia da 3ª idade de Oleiros.
Otilia González López, ATS/DUE da residencia da 3ª idade Castro Ribeiras de Lea.
Juana Vidal Torres, ATS/DUE do CAMP de Chapela.
Blanca Tena, ATS/DUE da residencia da 3ª idade de Vigo.
Presidenta suplente: Pilar Salinas Buján.
Secretario suplente: Juan Vidal Torres.
Santiago de Compostela, 10 de xuño de 1999.
José María Hernández Cochón
Conselleiro de Sanidade e Servicios Sociais
e presidente do Servicio Galego de Saúde
