O Pleno da Corporación, en sesión que tivo lugar o pasado día 27 de maio do 1999 acordou prestar aprobación inicial á modificación puntual do Plan Xeral de Ordenación Urbana no seu rueiro núme
ro 168, situado entre as rúas Doutor Loureiro Crespo, Rodríguez Seoane e de nova apertura, en execución do convenio urbanístico subscrito polo alcalde con data do 26-11-1998, sendo formulado o devandito documento de modificación do planeamento de ordenación integral do municipio por esta Administración municipal e redactado polo arquitecto xefe do Servicio Municipial de Arquitectura e Urbanismo; o seu sometemento disponse á información pública.
Durante o prazo dun mes, contado a partir da publicación deste anuncio no Diario Oficial de Galicia, calquera interesado poderá examinar na Unidade de Fomento do Concello (rúa Dona Teresa) a documentación inicialmente aprobada, e formula-las alegacións que coide pertinentes.
Pontevedra, 3 de xuño de 1999.
Juan Luis Pedrosa Fernández
Alcalde
Julio Dapena Outomuro
Secretario xeral