A Corporación Municipal deste concello, en sesión celebrada o día 7 de maio de 1999, acordou aprobar definitivamente o expediente de modificación puntual das normas subsidiarias de planeamento do municipio, para ampliación de zona de equipamento sanitario en Torre-Dorrón.
De conformidade co establecido no artigo 48.2º da Lei 1/1997, do 24 de marzo, do solo de Galicia, a modificación aprobada deberá publicarse no BOP ou documento que conteña a normativa e as ordenanzas.
Contra este acordo, que é definitivo en vía administrativa, poderase interpor directamente, e no prazo de dous meses, recurso contencioso-administrativo ante o Tribunal Superior de Xusticia de Galicia
na Coruña, sen prexuízo de que poida exercerse, se é o caso, calquera outro recurso que se considere procedente.
Sanxenxo, 24 de maio de 1999.
José Luis Rodríguez Lorenzo
Alcalde