O director xerente do Complexo Hospitalario Juan Canalejo-Marítimo Oza da Coruña, en virtude das atribucións que lle foron delegadas polo artículo 7 letra j) da Orde do 21 de abril de 1998, sobre delegación de competencias en órganos centrais e periféricos do Servicio Galego de Saúde (DOG nº 88, do 11 de maio) e coa autorización expresa prevista nesta mesma norma, unha vez cumpridos os trámites administrativos correspondentes, resolve anuncia-la licitación que a continuación se cita:
Obxecto: mantemento integral das máquinas reveladoras láser do Complexo Hospitalario Juan Canalejo-Marítimo Oza.
Orzamento: 6.000.000 de ptas. (36.060,73 euros).
Garantía provisional: 288.000 ptas. (1.730,91 euros).
Lote 1: mantemento integral máquinas reveladoras láser.
Orzamento: 6.000.000 de ptas. (36.060,73 euros).
Garantía provisional: 288.000 ptas. (1.730,91 euros).
Forma de adxudicación: concurso polo procedemento aberto.
Prazo de entrega: ver prego de cláusulas administrativas particulares.
Admisión de variantes: non se autorizan, o que se fai constar expresamente neste prego e no anuncio de licitación, de acordo co artigo 88.2º da LCAP.
Solvencia económica, financeira e técnica: ver prego de cláusulas administrativas particulares.
Criterios de adxudicación:
-Condicións do servicio: 40%.-Experiencia acreditada: 30%.-Oferta económica: 30%.
Respecto ás condicións do servicio valoraranse os seguintes aspectos: dispoñibilidade da empresa, medios humanos e materiais cos que conta, particularmente os que se asignarían á execución do contrato, melloras adicionais sobre as condicións mínimas esixidas no anexo I: prego de prescricións técnicas; así como calquera outro punto da mesma orde e que permita xulga-la calidade coa que se levaría a cabo a prestación do servicio.
En canto á experiencia acreditada polos licitadores, valoraranse os servicios prestados que estes xus-
tifiquen, en tanto presenten unha dimensión e unhas condicións técnicas similares ó presente.
Documentos de interese para os licitadores: o prego de cláusulas administrativas particulares e demais documentación complementaria poden ser solicitados no Servicio de Contratación do complexo hospitalario (planta terceira do edificio do hotel de pacientes, anexo ó Hospital Juan Canalejo), As Xubias de Arriba, 84. 15006 A Coruña, en días laborables desde as 9 ás 14 horas. Teléfono: 981 17 80 73. Fax: 981 17 80 32.
Presentación de proposicións: as proposicións deberanse presentar en man, en sobres pechados e asinadas polo licitador ou persoa que o represente, no rexistro xeral do Complexo Hospitalario Juan Canalejo (planta baixa do Hospital Juan Canalejo), antes das 14 horas do vixésimo sexto día natural contado a partir do seguinte ó da publicación desta resolución no Diario Oficial de Galicia, ou mandadas por correo, dentro do prazo sinalado.
Apertura das proposicións: terá lugar na sala de xuntas da Xerencia do complexo hospitalario (planta baixa do hotel de pacientes), a partir das 10 horas do undécimo día natural contado desde o seguinte a aquel en que remate o prazo de presentación de ofertas. No caso de que o dito día coincida en sábado ou festivo, a apertura de proposicións terá lugar o primeiro día hábil seguinte.
Documentación que deberán achega-los licitadores: os documentos que figuran no prego de cláusulas administrativas particulares.
Anuncios: os anuncios deste concurso serán por conta do adxudicatario do contrato.
A Coruña, 7 de xuño de 1999.
Jesús Caramés Bouzán
Director xerente do Complexo Hospitalario Juan
Canalejo-Marítimo Oza da Coruña