Visto o texto da revisión salarial do convenio colectivo Unidad de Vehículos Industriales, S.A. (código convenio 3200722), con entrada nesta delegación provincial da Consellería de Xustiza, Interior e Relacións Laborais subscrito en representación da parte económica pola empresa e, da parte social, polo comité de empresa, o día 7-4-1999, de conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia en materia de traballo.

Esta delegación provincial

ACORDA:

Primeiro.-Ordena-la súa inscrición no libro de rexistro de convenios colectivos de traballo, que consta nesta delegación provincial, e notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Unidade de Mediación, Arbitraxe e Conciliación desta delegación.

Terceiro.-Dispoñe-la súa publicación no Diario Oficial de Galicia.

Ourense, 4 de maio de 1999.

José Lage Lage

Delegado provincial de Ourense

Unidad de Vehículos Industriales, S.A. (Unvi)

Revisión convenio colectivo 1999

Acta de acordo.

En San Cibrao das Viñas, o día 7 de abril de 1999, reúnese a comisión negociadora do convenio colectivo da compañía Unvi, S.A. formada polos seguintes membros:

Pola dirección da empresa: Javier González Pereira, Juan Manuel Ocampo Salgado e Ramón F. González Doniz.

Polo comité de empresa: Manuel Álvarez González, Narciso Martínez Ojea, Félix Chaudarcas Gómez, Fernando Fernández González e Francisco Núñez Iglesias.

Os negociadores acadaron un acordo defintivo para a revisión dos puntos comprometidos para o exercicio 1999, respecto do convenio colectivo subscrito durante o ano 1993 cunha vixencia de dous anos,

Acordan:

1. Aproba-las táboas salariais vixentes a partir do día 1 de xaneiro de 1999, que se xuntan como anexo I a este documento e que son as vixentes o 31 de de decembro de 1998, incrementadas nas seguintes cantidades:

-Un 1,9% correspondente ó IPC de 1993 (1,4%) máis o 0,5% pactado polos negociadores no acordo final sobre o contido do convenio.

-4.000 ptas. mensuais procedentes das que os traballadores veñen percibindo polo concepto de retribución voluntaria.

2. Aproba-lo complemento de antigüidade que se establece na táboa que se achega como anexo II.

3. Aproba-lo incremnto da póliza de seguros en 1.000.000 de ptas. a partir do día 1 de xaneiro de 1999, para tódalas continxencias previstas.

4. Presentar este acordo e os seus anexos na Delegación Provincial da Consellería de Xustiza, Interior e Relacións Laborais, para a súa inscrición no corres

pondente libro rexistro da dita delegación, e notificación as represntacións económica e social da comisión negociadora.

5. Solicita-lo depósito do acordo no Servicio de Relacións Laborais Unidade de Mediación, Arbitraxe e Conciliación da provincia de Ourense.

6. As partes negociadoras apodéranse reciprocamente para que calquera delas poida realiza-las operacións pactadas nos números anteriores ante o organismo público competente.

7. Unha vez redactada e lida a acta da reunión é aprobada por unanimidade, asinando esta tódolos asistentes en proba de conformidade.

E non habendo máis asuntos que tratar, levántase a sesión no lugar e na data expresados no encabezamento.

Táboa salarial convenio 1999

Antigüidade-Quinquenio