A Consellería de Educación e Ordenación Universitaria, por Orde do 27 de xaneiro de 1994, autorizou a implantación do novo bacharelato en distintos centros da Comunidade Autónoma.
De acordo coa liña iniciada e co fin de lles dar continuidade nos estudios ós alumnos que, tendo superadas as ensinanzas de educación secundaria obrigatoria, demanden o acceso ó novo bacharelato establecido na Lei orgánica 1/1990, do 3 de outubro, de ordenación xeral do sistema educativo, procede a autorización da implantación en determinados centros das modalidades de bacharelato previstas no Decreto 275/1994, do 29 de xullo, polo que se establece o currículo do bacharelato na Comunidade Autónoma de Galicia.
Na súa virtude e de conformidade coa proposta formulada pola Dirección Xeral de Centros e Inspección Educativa,
DISPOÑO:
Primeiro.-Autoriza-los centros que se relacionan no anexo da presente orde para implantaren de xeito progresivo o bacharelato segundo o currículo aprobado polo Decreto 275/1994, do 29 de xullo.
Segundo.-A implantación das ensinanzas do novo sistema educativo suporá a extinción progresiva dos grupos correspondentes a plans de estudios derivados da Lei 14/1970, do 4 de agosto, agás as excepcións que, debidamente xustificadas, sexan autorizadas por esta consellería.
Terceiro.-Autorízase a Dirección Xeral de Centros e Inspección Educativa para adopta-las medidas precisas para a execución da presente orde.
Santiago de Compostela, 10 de maio de 1999.
Celso Currás Fernández
Conselleiro de Educación e Ordenación
Universitaria
ANEXO
Autorizacións de novos bacharelatos: curso 1999/2000.
Provincia: A Coruña.
Concello: Carballo.
IES Monte Neme (código 15002591).
a) Bacharelato de tecnoloxía.
b) Bacharelato de humanidades e ciencias sociais.
Provincia: Lugo.
Concello: Viveiro.
IES María Sarmiento (código 27013636).
Autorízase a implantación do novo bacharelato da modalidade de humanidades e ciencias sociais, en substitución do bacharelato de ciencias da natureza e da saúde.
Provincia: Ourense.
Concello: Bande.
IES de Bande (código 32016340).
a) Bacharelato de ciencias da natureza e da saúde.
b) Bacharelato de humanidades e ciencias sociais.
Concello: O Carballiño.
IES Manuel Chamoso Lamas (código 32015037).
a) Bacharelato de tecnoloxía.
b) Bacharelato de humanidades e ciencias sociais.
Provincia: Pontevedra.
Concello: Moaña.
IES As Barxas (código 36018999).
a) Bacharelato de ciencias da natureza e da saúde.
b) Bacharelato de humanidades e ciencias sociais.
IES A Paralaia (código 36004745).
a) Bacharelato de humanidades e ciencias sociais.
b) Bacharelato de tecnoloxía.
Concello: Pontevedra.
IES A Xunqueira (código 36014489).
a) Bacharelato de ciencias da natureza e da saúde.
b) Bacharelato de tecnoloxía.
Concello: Tui.
IES Francisco Sánchez (código 36014544).
a) Bacharelato de humanidades e ciencias sociais.
b) Bacharelato de tecnoloxía.