En cumprimento do disposto no Decreto 442/1990, do 13 de setembro, de avaliación do impacto ambiental para Galicia, Decreto 327/1991, do 4 de outubro, de avaliación de efectos ambientais para Galicia, os decretos 2617/1966, sobre autorización de instalacións eléctricas, 2619/1966, sobre expropiación forzosa e sancións en materia de instalacións eléctricas, artigos 53 e 54 da Lei 54/1997, do 27 de novembro, do sector eléctrico, artigo 25 da Lei 10/1995, de ordenación do territorio de Galicia e Decreto 205/1995, polo que se regula o aproveitamento da enerxía eólica da Comunidade Autónoma de Galicia, sométese a información pública, por solicitude da empresa Made, Energías Renovables, S.A., as instalacións que a continuación se describen:

Obxecto de información pública:

-Estudio de impacto ambiental.

-Proxecto sectorial de incidencia supramunicipal.

-Autorización administrativa, declaración de utilidade pública e aprobación do proxecto de execución e do proxecto sectorial das instalacións que abrangue o proxecto do parque eólico Silán.

A declaración de utilidade pública levará implícita, de acordo co artigo 54 da Lei 54/1997, do 27 de novembro, do sector eléctrico, a necesidade

de urxente ocupación para os efectos de expropiación forzosa dos bens e dereitos afectados necesarios para o establecemento destas instalacións.

Peticionario: Made Energías Renovables, S.A., Paseo de la Castellana, 95-planta 29. 28046 Madrid.

Situación: concello de Muras (Lugo).

Localización (Coordenadas poligonais en unidades UTM):

V(614.500, 4819.875); V(615.000, 4820.000)

V(616.600, 4818.900); V(616.350, 4818.400)

Características técnicas do parque:

-Nº de aeroxeradores: 20.

-Potencia unitaria: 660 kW.

-Potencia total instalada: 13,2 MW.

-Xeradores: Made AE-46.

-Producción neta anual estimada: 37.431 MWh/ano.

-Investimento total: 1.894.499.639 pesetas.

Afección a predios particulares:

Un.-Expropiación forzosa de pleno dominio dos terreos sobre os que se van construí-las instalacións incluídas no proxecto de execución do parque eólico Silán.

O que se fai público para coñecemento xeral e dos propietarios dos predios e demais titulares afectados que non chegaron a un acordo coa entidade solicitante, e que figuran na relación que se insire como anexo deste anuncio, así como as persoas que, sendo titulares de dereitos reais ou intereses económicos sobre os bens afectados fosen omitidos, para que poidan examina-lo proxecto e presenta-las

obxeccións ou alegacións a este que consideren axeitadas, nesta delegación provincial situada no edificio administrativo Ronda da Muralla 70 (27071-Lugo), no prazo de 30 días, contados a partir da última publicación deste anuncio.

Así mesmo, o estudio de impacto ambiental correspondente ás instalacións do parque eólico Silán, poderase examinar nas dependencias da Dirección Xeral de Industria, Dirección Xeral de Calidade e Avaliación Ambiental, Delegación Provincial da Consellería de Industria e Comercio de Lugo, Delegación Provincial da Consellería de Medioambiente en Lugo, e concello de Muras, podendo presentarse cantas alegacións se consideren pertinentes ante esta Delegación Provincial da Consellería de Industria e Comercio de Lugo, dentro do mesmo prazo sinalado

no parágrafo anterior. Finalizado o devandito prazo, o expediente, xunto coas alegacións recibidas, remitiranse á Dirección Xeral de Calidade e Avaliación Ambiental.

É de facer constar que esta publicación se realizará igualmente para os efectos determinados polo artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os interesados sexan descoñecidos, se ignore o lugar ou o medio de notificación, ou ben, tentada a notificación, non se puidese realizar.

Lugo, 18 de maio de 1999.

Jesús Bendaña Suárez

Delegado provincial de Lugo

Relación de propietarios

(Afección de pleno dominio)

Obra: parque eólico Silán

Concello: Muras