Dentro dos programas de actividades que a Academia Galega de Seguridade ten previsto realizar no ano 1999, e conforme as funcións atribuídas pola Lei 4/1992, do 9 de abril, de creación da Academia Galega de Seguridade, anúnciase a celebración dun curso de dispensa de grao para policías locais, segundo o previsto no artigo 23 da Lei 3/1992, do 23 de marzo, de coordinación das policías locais, que deberá desenvolverse conforme ás seguintes bases:
Obxectivos: o curso ten por obxectivo dota-los policías dunha formación complementaria en materia de actualización policial, que lles sexa útil no desempeño posterior da súa profesión, e ó mesmo tempo dispénsalles dun grao na titulación do grupo D ó grupo C (bacharelato), segundo o disposto na disposición transitoria terceira da Lei 3/1992, do 23 de marzo, de coordinación de policías locais de Galicia.
Destinatarios: o curso vai dirixido a todos aqueles policías locais Galicia que non ingresaran no corpo de policía local a través da Academia Galega de Seguridade, e poidan atoparse na situación prevista na disposición transitoria terceira da Lei 3/1992, do 23 de marzo, de coordinación das policías locais de Galicia.
Inscrición: a inscrición dos participantes será totalmente gratuíta, debéndose comunicar esta, antes do 5 de agosto de 1999 para efectua-la correspondente reserva de praza.
Prazas: sen límite.
Solicitudes:
1. Os policías que desexen asistir a este curso deberán remitir un escrito, a través do concello, á Academia Galega de Seguridade, solicitando a participación no curso de dispensa de grao para policías locais; para efectua-la correspondente reserva de praza para a realización do devandito curso.
2. O prazo para a remisión de escritos rematará o día 5 de agosto de 1999.
3. Os escritos deberán enviarse á Academia Galega de Seguridade: Avenida da Cultura, s/n, 36680 A Estrada.
Contido e duración: o curso celebrarase na Academia Galega de Seguridade, sita na Avenida da Cultura, s/n, no Concello da Estrada, os martes en horario de mañá e tarde, e terá unha duración de 180 horas lectivas.
O curso está composto polas seguintes áreas:
-Área xurídica.
-Área humanística.
-Área técnica policial.
-Área operativa policial.
Datas: o curso principiará no vindeiro mes de setembro de 1999, quedando por determina-la súa data de comenzo, que se comunicará coa suficiente antelación.
O horario será de 9.45 a 14 horas, e de 16 a 20 horas.
Desenvolvemento do curso: os alumnos da Academia Galega de Seguridade durante o seu período de permanencia na academia rexeranse polo Regulamento de réxime interior desta, publicado no DOG do 28-7-1995, nº 144.
Certificado: ó remate do curso entregaráselle un certificado a aquelas persoas que acrediten a súa participación continuada a este; e superen as correspondentes probas de coñecementos.
Este curso habilitará da dispensa dun grao na titulación do grupo D ó grupo C (bacharelato), segundo o disposto na disposición transitoria terceira da Lei 3/1992, do 23 de marzo, de coordinación de policías locais de Galicia.
Modificacións: a Academia Galega de Seguridade poderá modifica-lo desenvolvemento do curso para adaptalo ás necesidades da Administración e ás continxencias que poidan xurdir.
A Estrada, 29 de abril de 1999.
Juan José Fariñas-Ferro Rodríguez
Director xeral da Academia Galega de Seguridade
