Por orde da Consellería da Presidencia e Administración Pública do 16 de febrero de 1999 (Diario
Oficial de Galicia do 23 de febreiro) convocouse o Premio Antonio Casares y Rodrigo de Investigación Científico-Técnica e o Premio para Investigadores Mozos (área científico-técnica), establecéndose que o prazo de presentación de solicitudes remataría o 31 de maio de 1999.
En aplicación do disposto no artigo 49 da Lei 4/1999, de modificación da Lei 30/1992, do réxime xurídico das administracións públicas e do procedemento administrativo común, esta consellería considera oportuno amplia-lo prazo de presentación de candidaturas ó dito premio.
Polo que,
DISPOÑO:
Artigo único.-O prazo de presentación de candidaturas ó Premio Antonio Casares y Rodrigo de Investigación Científico-Técnica e ó Premio para Investigadores Mozos (área científico-técnica) amplíase ata o 30 de xuño de 1999 (inclusive).
Santiago de Compostela, 6 de maio de 1999.
Jaime Pita Varela
Conselleiro da Presidencia e Administración
Pública