O Consello da Xunta de Galicia aprobou o Decreto 369/1998, do 10 de decembro, polo que se regula a composición e funcións da Comisión de Heráldica da Xunta de Galicia.
O artigo 8 deste decreto establece a composición desta comisión e determina a forma en que os membros serán designados, polo que unha vez achegadas tódalas propostas por parte dos órganos competentes, cómpre o seu nomeamento, en consecuencia
DISPOÑO:
Artigo único.-Noméanse membros da Comisión de Heráldica da Xunta de Galicia, segundo o disposto no artigo 8 do Decreto 369/1998, do 10 de decembro, as persoas que se relacionan no anexo.
Santiago de Compostela, 12 de maio de 1999.
Jesús C. Palmou Lorenzo
Conselleiro de Xustiza, Interior e Relacións
Laborais
ANEXO
-Como vicepresidente da comisión, Eduardo Pardo de Guevara y Valdés, doutor en ciencias históricas, investigador do Consello Superior de Investigacións Científicas e membro da Academia Internacional de Heráldica.
-Como vocal, pertencente ó corpo facultativo de arquivos e bibliotecas, Gabriel Quiroga Barro, membro do corpo facultativo de arquivos, bibliotecas e museos, e director do Arquivo do Reino de Galicia.
-Como vocal, pertencente ó corpo de catedráticos da universidade ou de profesores titulares, José Manuel García Iglesias, catedrático de historia da arte da Universidade de Santiago de Compostela.
-Como vocal, especialista en coñecemento ou deseño heráldico, Xosé Antón García González Ledo, membro da Academia Internacional de Heráldica.
-Como vocal, especialista en toponimia, Xosé Antón Palacio Sánchez, vocal da Comisión de Toponimia da Xunta de Galicia.
-Como vocal, designado pola Asociación de Municipios e Provincias máis representativa e con maior implantación no territorio da Comunidade Autónoma, Julio Álvarez Núñez, presidente da Federación Galega de Municipios e Provincias.