Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:
Solicitante: Unión Eléctrica-Fenosa, S.A.
Enderezo social: García Barbón, 38, 36201 Vigo.
Denominación: L.M.T. derivación grupo escolar Oca.
Situación: A Estrada.
Descricións técnicas: L.M.T., aérea, a 20 kV, de 554 m de lonxitude, con conductor tipo LA-56, sobre apoios de formigón, desde a L.M.T. grupo escolar rematando no apoio 4 da L.M.T. derivación grupo escolar, en Oca, concello da Estrada.
Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve,
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Pontevedra, 16 de marzo de 1999.
Carmen Bianchi Valcarce
Delegada provincial de Pontevedra