De acordo co establecido no artigo 2º da Lei 10/1996, do 5 de novembro, de actuación de entes e empresas nas que ten participación maioritaria a Xunta de Galicia, en materia de persoal e contratación, a selección de persoal das entidades, fundacións e sociedades mencionadas no artigo 1 da dita lei, será efectuada con respecto ós principios de igualdade, mérito, capacidade e publicidade da convocatoria. Convócanse probas selectivas para cubri-las seguintes prazas de persoal laboral fixo desta fundación:
Grupo A:
-3 prazas de médico xeral.
Requisitos mínimos: licenciado en medicina e ciruxía.
Grupo B:
-4 prazas de axudante técnico sanitario (ATS/DUE).
Requisitos mínimos: diplomado universitario en enfermería (ATS).
Grupo C:
-5 prazas de técnico especialista de laboratorio (TEL).
Requisitos mínimos: titulación de técnico especialista de laboratorio FP-II ou equivalente.
-1 praza de técnico de informática.
Requisitos mínimos: titulación de técnico especialista de informática de xestión FP-II ou equivalente.
-1 praza de promotor da doazón.
Requisitos mínimos: bacharelato superior ou equivalente.
Grupo D:
-4 prazas de auxiliar administrativo.
Requisitos mínimos: graduado escolar ou equivalente.
-3 prazas de auxiliar de enfermería/laboratorio.
Requisitos mínimos: titulación de auxiliar de enfermería FP-I ou equivalente.
Grupo E:
-2 prazas de conductor/celador.
Requisitos mínimos: certificado de escolaridade ou equivalente. Carné de conducir tipo D. Experiencia mínima de 2 anos.
Os aspirantes que non acaden puntuación suficiente para obter praza de persoal laboral fixo da fundación pasarán a formar parte dunha lista para contratacións temporais de acordo co establecido no punto 2 do artigo 7 da Lei 10/1996, do 5 de novembro, de actuación de entes e empresas nas que ten participación maioritaria a Xunta de Galicia, e materia de persoal e contratación.
Os interesados poderán recolle-las bases da convocatoria e o modelo de instancia no Centro de Transfusión de Galicia, Avda. Monte da Condesa s/n, 15706 Santiago de Compostela.
O prazo de presentación das solicitudes e dos documentos esixidos será dun mes desde a publicación no Diario Oficial de Galicia.
A documentación deberá remitirse ó apartado de correos nº 310 de Santiago de Compostela.
Os interesados poderán solicitar información no teléfono 981 13 20 15 de 9 a 15 horas.
Santiago de Compostela, 2 de maio de 1999.
Roberto García de Villaescusa Collazo
Director técnico da Fundación Centro
de Transfusión de Galicia