O Consello da Xerencia Municipal de Urbanismo en sesión celebrada o día 16 de abril de 1999 acordou aprobar inicialmente o proxecto de delimitación de polígono e o correspondente estudio de detalle no núcleo 01.02 Carregal C na parroquia de Alcabre, presentado pola entidade Viuconsa, coincidentes co predio propiedade de Manuel Daniel Vázquez Fernández, conforme a documentación elaborada polo arquitecto Enrique Rodríguez Alfaro, na que, a parcelación presentada é novamente indicativa, e visado polo COAG o 26 de febreiro de 1999.
Sométese a información pública polo prazo dun mes, mediante inserción de anuncios no DOG, e nun dos xornais de maior circulación da provincia.
Signifícase que o prazo de exposición ó público entenderase aberto desde a primeira publicación ata o remate do mes contado desde o derradeiro anuncio. A documentación atópase na oficina de Información da Xerencia Municipal de Urbanismo ó dispor do público, planta baixa da casa do concello.
O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que por resultaren descoñecidos ou ignorando o seu enderezo non poidan ser notificados persoalmente.
Vigo, 28 de abril de 1999.
Manuel Pérez Álvarez
Alcalde presidente da Xerencia Municipal
de Urbanismo