O Pleno da Corporación Municipal, en sesión que tivo lugar o día 16 de marzo de 1999, aprobou as bases da convocatoria para a provisión, mediante concurso-oposición, por promoción interna, dunha praza de administrativo de Administración xeral vacante no cadro persoal deste concello.

O texto completo destas bases exponse ó público no BOP por un prazo de vinte días naturais, sendo o seu extracto o seguinte:

Prazas: unha.

Denominación: administrativo, escala de Administración xeral.

Forma de provisión: concurso-oposición, promoción interna.

Probas da oposición:

1. Tipo test, con cincuenta preguntas con respostas alternativas, relativas ás materias do programa. Obrigatorio e eliminatorio.

2. Resolución dun caso práctico. Obrigatorio e eliminatorio.

3. Manexo de ordenador (procesamento de textos). Obrigatorio e eliminatorio.

4. Traducción dun texto do castelán para o galego. Obrigatorio e non eliminatorio.

Temario: publícase co texto íntegro das bases no BOP.

Begonte, 12 de marzo de 1999.

José Pena Rábade

Alcalde