Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.

Solicitante: Unión Eléctrica Fenosa, S.A.

Enderezo social: Avda. de Arteixo, 171, 15000 A Coruña.

Denominación: L.M.T., C.T. e R.B.T. Campo da Feira-Colexio.

Situación: Carral.

Descricións técnicas: liñas eléctricas subterráneas de media tensión, a 15 kV, baixo tubo e con conductor R.H.V. 12/20 kV de 3(1x240) mm Al. De 370 m de lonxitude, con orixe no C.T. Ameixeiras e remate en C.T. Os Chas, que se vai instalar. De 620 m de lonxitude, con orixe no C.T. Os Chas e remate no C.T. Campo da Feira, existente (expediente 181/94). Centro de transformación en caseta prefabricada, de 250 kVA en Os Chas e tensións de 15/0,380-0,220 kV do que parte rede de baixa tensión, sobre apoios de formigón e con conductor R.Z. de 254 m de lonxitude. Carral.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolveu,

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

A Coruña, 30 de marzo de 1999.

Jesús Espada Martínez

Delegado provincial da Coruña