Como consecuencia da maior dispoñibilidade orzamentaria para a consecución dos obxectivos de reducción, reutilización, reciclaxe e valorización, así como para promove-las tecnoloxías menos contaminantes na eliminación de residuos, esta consellería considera conveniente efectua-los trámites precisos para incrementa-la dotación inicialmente prevista na orde de referencia.
Na súa virtude e no uso das atribucións que me foron concedidas,
DISPOÑO:
Artigo único.-Modifícase o artigo 26 da referida orde, ó que se lle dá a seguinte nova redacción:
Existe crédito suficiente e axeitado na aplicación orzamentaria 15.03.342A.770 -Subvencións en materia de ambiente industrial- nos orzamentos da Comunidade Autónoma para 1999, para atende-los gastos desta orde de axudas.
O importe máximo aplicable é de 140.730.565 ptas.
Disposición derradeira
Esta disposición entrará en vigor o día seguinte ó da súa publicación no Diario Oficial de Galicia.
Santiago de Compostela, 23 de abril de 1999
José Carlos del Álamo Jiménez
Conselleiro de Medio Ambiente