1. Entidade adxudicadora: organismo: Instituto Municipal dos Deportes do Concello de Vigo. Dependencia: Administración.

2. Obxecto do contrato: descrición: redacción do proxecto e execución das obras de reforma e adaptación do campo de fútbol e pistas de atletismo do complexo deportivo das Travesas para un novo campo de herba artificial de fútbol/hockey e unha pista de rodadura para ciclismo.

Lotes: non.

Lugar de execución: Vigo (Pontevedra).

Prazo de execución: tres meses.

3. Tramitación, procedemento e forma de adxudicación.

Tramitación: urxente.

Procedemento: aberto.

Forma: concurso.

4. Orzamento base: 66.000.000 de ptas. (396.667,99 euros).

5. Garantías: provisionais: 2% do orzamento base.

6. Obtención de documentación e información: rexistro xeral do Concello de Vigo, praza do Rei s/n 36202 Vigo, teléfono 986 81 01 48.

Data límite para solicitar documentación: ata o día de finalización do prazo de presentación de proposicións.

7. Requisitos específicos do contratista.

Clasificación: grupo C, subgrupo todos, categoría e.

Outros requisitos: acredita-la solvencia económica, financeira e técnica en calquera das formas previstas nos artigos 16 e 17 da Lei de contratos das administracións públicas.

8. Presentación de ofertas: prazo: 13 días naturais seguintes ó da publicación do derradeiro anuncio de licitación no BOP de Pontevedra e Diario Oficial de Galicia. Documentación: a esixida na cláusula 12 do prego de condicións. Lugar de presentación: véxase punto 6 do anuncio. Prazo de obriga de mante-la oferta: 3 meses contados desde o día da apertura de proposicións.

9. Apertura ofertas: entidade, domicilio e localidade: véxase punto 6 do anuncio.

Data e hora: 10 horas do primeiro martes seguinte ó da data de finalización do prazo de presentación de proposicións.

10. Outras informacións: o modelo de proposición axustarase á cláusula 8 do prego de condicións.

11. Gastos anuncios: serán por conta dos adxudicatarios.

Vigo, 9 de abril de 1999.

Manuel Pérez Álvarez

Alcalde