En cumprimento do disposto no artigo 4 da Lei orgánica 11/1985, do 2 de agosto, de liberdade sindical, e para os efectos previstos nel, faise público que no correspondente servicio desta dirección xeral foron depositados a acta de constitución e os estatutos da Federación do Mar da Confederación Intersindical Galega (CIG-Mar) que ten os seguintes ámbitos:
Territorial: Comunidade Autónoma de Galicia.
Profesional: poderán pertencer á devandita organización sindical tódolos/as traballadores/as do sector marítimo-pesqueiros, entendido no seu amplo espectro de actividades, como poden se-las de pesca, mariña mercante, actividades de estiba, acuicultura, consignatarias, marisqueo, tráfico interior de portos, e cantas outras existan ou no futuro poidan existir e dependan directamente do mar.
Asinan a acta de constitución do I congreso da Federación do Mar da Confederación Intersindical Galega: José Calvelo Cedeira como secretario, Manuel Carlos Búa Caldas e Baltasar Correa Rodríguez, como presidente e moderador respectivamente.
Santiago de Compostela, 26 de marzo de 1999.
José María Fernández Olea
Director xeral de Relacións Laborais