1. Autorización administrativa.

Para os efectos previstos no artigo 9 do Decreto 2617/1966, do 20 de outubro, de autorización de instalacións eléctricas, sométese a información pública a petición de autorización administrativa para o trazado da liña eléctrica de referencia, que conta coas características básicas que se refiren a continuación.

a) Peticionario: Unión Eléctrica-Fenosa, S.A.

b) Localización: O Bolo.

c) Finalidade: mellora-la seguridade e calidade do servicio nas zonas de influencia, segundo as directrices do plan MEGA.

d) Trazado e datos básicos: L.M.T. aérea a 20 kV, de 945 m, en conductor LA-56, con orixe no apoio 5 da L.M.T. Ás Ermidas, e final no C.T. porxectado con 50 kVA, r/t 20.000/380-220 V de Vilaseco, rede de baixa tensión de 530 m en conductor R.Z.

L.M.T. aérea a 20 kV, de 646 m, en conductor LA-56, con orixe no apoio 4 da L.M.T. a C.T. de Vilaseco, e final no C.T. proxectado con 50 kVA, r/t 20.000/380-220 V de Valbuxán, rede de baixa tensión de 590 m en conductor R.Z.

e) Orzamento: 10.473.475 ptas.

2. Urxente ocupación.

O beneficiario, ó abeiro, do título IX da Lei 54/1997, do 27 de novembro, do sector eléctrico solicita, así mesmo, a declaración de utilidade pública da instalación, o que, segundo o sinalado no artigo 54 daquela, levará implícita en todo caso a necesidade de ocupación dos bens ou a adquisición dos dereitos afectados -os cales se describen na relación adxunta- e implicará a urxente ocupación para os efectos do artigo 52 da Lei de expropiación forzosa; iso segundo o procedemento establecido polos artigos 10, 16 e 31.5º do Decreto 2619/1966, do 20 de

outubro, polo que se aproba o regulamento da Lei sobre expropiación forzosa e sancións en materia de instalación eléctricas, de aplicación ó expediente polo sinalado na disposición transitoria primeira da citada Lei 54/1997.

3. Alegacións.

A presente resolución sométese a información pública para coñecemento xeral dos propietarios e demais titulares afectados que non chegasen a un acordo amigable coa entidade solicitante, así como das persoas que sendo titulares de dereitos reais ou intereses económicos afectados fosen omitidos, para que poidan examina-lo expediente nas oficinas desta delegación provincial, rúa Curros Enríquez nº 1, 4º de Ourense, e presentar, de se-lo caso, as

alegacións que sexan oportunas no prazo de trinta días, contados a partir da última publicación deste anuncio.

Esta publicación realízase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñocidos ou se ignore o lugar de notificación, con traslado ó Ministerio Fiscal das dilixencias que se produzan.

Ourense, 4 de marzo de 1999.

Alfredo Cacharro Pardo

Delegado provincial de Ourense

Relación de propietarios, bens e dereitos afectados

Expediente: 99/16. Provincia: Ourense.

L.M.T. a C.T. Valbuxán.Termo municipal: O Bolo.

SoloVoo

NºLugarCultivoNome e apelidosEnderezonº apoiommlm

Relación de propietarios, bens e dereitos afectados

Expediente: 99/16. Provincia: Ourense.

L.M.T. a C.T. Vilaseco.Termo municipal: O Bolo.

SoloVoo

NºLugarCultivoNome e apelidosEnderezonº apoiommlm