O recadador da Xunta de Galicia, titular da zona de Vigo, por medio do presente edicto fai saber que se segue nesta oficina expediente de constrinximento contra os debedores que se sinalan na relación que se xunta. Nos devanditos expedientes practicouse a dilixencia de embargamento sobre os vehículos que aparecen como propiedade dos debedores; dilixencia que non puido ser notificada ós interesados malia os intentos feitos nese sentido. A referencia das dilixencias son as que se sinalan no anexo.

De conformidade co artigo 134.4º do Regulamento xeral de recadación, os deberes deberán poñe-los vehículos embargados á disposición desta zona de recadación nun prazo de cinco días a partir do seguinte ó desta publicación no Diario Oficial de Galicia, coa súa documentación e chaves, coa advertencia de que se non fosen entregados, darase orde ás autoridades de Tráfico para a súa captura, depósito e precinto.

Todo o dito en cumprimento dos artigos 110 e seguintes (capítulo IV, título I) do vixente Regulamento xeral de recadación.

Do presente embargamento tomarase nota no rexistro que corresponda, a favor da Xunta de Galicia.

O que se publica para os efectos de notificación coa advertencia de que os interesados poderán presentar recurso de reposición, no prazo de quince días hábiles, contados desde o seguinte ó desta publicación, perante o Servicio Central de Recadación da Xunta de Galicia, sito no edificio administrativo de San Caetano, de Santiago de Compostela ou reclamación económico-administrativa, perante o tribunal da devandita xurisdicción, sen que poidan simultanearse ambos recursos.

Vigo, 10 de marzo de 1999.

Javier Sánchez García

Recadador da zona de Vigo

ANEXO