A Xerencia Xeral do Complexo Hospitalario de Santiago de Compostela, en virtude das atribucións que lle foron delegadas conforme o establecido no artigo 7 da Orde do 21 de abril de 1998 (DOG do 11 de maio) da Consellería de Sanidade e Servicios Sociais, convoca o seguinte concurso público:

Obxecto: servicio de caixeiro automático para o novo Hospital Clínico de Santiago de Compostela.

Canon mínimo: fíxase un canon fixo mínimo total (para catro anos) por cada lote de 2.400.000 ptas. (dous millóns catrocentas mil pesetas), IVE incluído, ou 14.424,290 euros (catorce mil catrocentos vintecatro con douscentos noventa euros), IVE incluído.

Fianzas:

a) Provisional: 50.000 ptas. (300,506 euros).

b) Definitiva: 100.000 ptas. (601,012 euros).

Constituiranse segundo o disposto nos artigos 36 e 37, respectivamente, da Lei 13/1995 de contratos das administracións públicas.

Forma de adxudicación: concurso público. Procedemento aberto e ordinario.

Prazo de execución: a duración deste contrato será de catro anos, contados desde o día 1 de maio de 1999 ou data da sinatura se esta fose posterior. O contrato poderá prorrogarse, antes da súa finalización, por períodos bianuais, por mutuo acordo de ámbalas partes, na forma establecida no prego de cláusulas administrativas particulares.

Admisión de variantes: admitiranse variantes.

Solvencia económica e financeira: acreditaranse por calquera dos medios do artigo 16 da LCAP.

Solvencia técnica: acreditaranse por calquera dos medios do artigo 19 da LCAP.

Criterios de adxudicación:

Canon da explotación que propón o concursante: ata un máximo de 2 puntos.

Calidade do proxecto técnico das obras de acondicionamento e o prazo de execución: ata un máximo de 2 puntos.

Oferta de reposición de fondos en efectivo: ata un máximo de 1 punto.

Xeralización das tarxetas de crédito propostas para o acceso ó servicio de caixeiro: ata un máximo de 2 puntos.

Melloras adicionais: ata un máximo de 3 puntos.

Documentos de interese para os licitadores: o prego de cláusulas administrativas particulares e demais documentación complementaria poden ser solicitados no Departamento de Contratación Administrativa do Hospital Xeral de Galicia, rúa Galeras s/n, 15705 Santiago de Compostela, en días laborables desde as 9 ata as 14 horas.

Clasificación: non se esixe.

Presentación de proposicións: as proposicións deberán presentarse en man, en sobres pechados e asinados polo licitador ou persoa que o represente, no rexistro xeral do Hospital Xeral de Galicia, rúa Galeras s/n, 15705 Santiago de Compostela, antes das 14 horas do vixésimo sexto día natural contado a partir do seguinte ó da publicación desta resolución no DOG, ou por correo no xeito indicado no prego de cláusulas administrativas particulares. No caso de que o devandito día coincida en festivo, o prazo de presentación finalizará o seguinte día hábil.

Apertura de proposicións: a apertura das proposicións admitidas será realizada pola mesa de contratación, reunida en acto público na sala de xuntas do Hospital Xeral de Galicia ás 10 horas do décimo sexto día natural contado a partir do seguinte a aquel no que finalice o prazo de presentación de ofertas; en caso de que o dito día coincida en sábado ou festivo, a apertura das proposicións terá lugar o primeiro día hábil seguinte.

Documentación que deberán achega-los licitadores: a documentación que figura no prego de cláusulas administrativas particulares.

Anuncios: os anuncios deste concurso público serán por conta do adxudicatario do contrato.

Santiago de Compostela, 9 de marzo de 1999.

Manuel Ariza López

Xerente xeral do Complexo Hospitalario

de Santiago de Compostela