Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:
Solicitante: Unión Eléctrica-Fenosa, S.A.
Domicilio social: r/ Sáenz Díez, 45, 32003 Ourense.
Denominación: L.M.T., C.T., R.B.T. en Romeor e Campelo (Folgoso do Courel).
Situación: Folgoso do Courel.
Características técnicas: liña de media tensión aérea a 20 kV sobre apoios de formigón e conductor LA-56 de 638 metros de lonxitude. Centro de transformación de intemperie 20.000/380-220 V (50 kVA). Rede de baixa tensión aérea a 380/220 V sobre apoios de formigón e conductor R.Z. de 1.755 metros de lonxitude.
Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial, resolve,
Autorizar e aproba-lo proxecto de execución das devanditas intalacións, cunhas características que se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan nos expedientes.
Lugo, 15 de febreiro de 1999.
Jesús Bendaña Suárez
Delegado provincial de Lugo