Publicado no BOP do 8-1-1999 e no DOG do 19-1-1999 os edictos de venda en poxa pública de diversas parcelas de propiedade deste concello e resultando que o Pleno en sesión do 27-2-1999 acordou sacar de novo en poxa pública a parcela de Cofanes, parcela de 84 m na rúa R. Arxentina e parcela Bartolo, cumprindo o disposto no artigo 326 da Lei 5/97, da Admón. local de Galicia faise público o seguinte:

1. As condicións que rexerán na venda da cada unha das parcelas serán idénticas ó xa aprobado no seu día por este concello e que foi obxecto de publicación no BOP nº 4 do 8 de xaneiro de 1999.

2. Os licitadores terán, por tanto, que axustarse par optar á licitación das citadas parcelas ó recollido no correspondente prego e edicto xa publicado no BOP do pasado 8-1-1999, se ben se modifica o prazo de presentación de propostas que será hábiles de 9 a 13 horas nas dependencias desta Casa do Concello desde a publicación do presente edicto no BOP.

3. Todos e cada un dos expedientes co seu correspondente prego de bases estarán á disposición dos interesados na secretaría deste concello, podéndose presentar alegacións e reclamacións respecto dos mesmos no prazo de oito días desde a publicación deste edicto no BOP.

Tomiño, 8 de marzo de 1999.

José Luis Fernández Lorenzo

Alcalde