Anuncio de licitación para contratar por concurso público, procedemento aberto e urxente, a adxudicación conxunta da obra e o seu proxecto técnico, denominada construcción dun albergue xuvenil en Xunqueira de Ambía.

De conformidade co disposto no artigo 79 da Lei 13/1995, do 18 de maio, sobre contratos das administracións públicas, anúnciase procedemento aberto e urxente para adxudicar, mediante concurso, conxuntamente a obra que antecede co seu correspondente proxecto técnico.

1. Entidade adxudicadora: Concello de Xunqueira de Ambía, praza San Rosendo, 1, 32670 Xunqueira de Ambía (Ourense). Teléfono: 988 43 60 40, Fax: 988 43 60 69.

Dependencia que tramita o expediente: Secretaría do Concello, onde poderán obter copia do prego de condicións, do proxecto básico e demais información que compón o expediente.

2. Obxecto do contrato: é obxecto do contrato a execución das obras, así como a redacción do correspondente proxecto técnico de execución, de acordo co básico aprobado.

3. Tramitación, procedemento e forma de adxudicación:

a) Tramitación: urxente.

b) Procedemento: aberto.

c) Forma: concurso.

4. Orzamento base de licitación: 19.781.828 ptas. (conxuntamente para proxecto e obra), IVE incluído.

5. Garantías:

a) Provisional: 2% tipo ou base licitación.

b) Definitiva: 4% do orzamento do contrato.

6. Presentación de ofertas: dentro dos 13 días naturais contados desde o seguinte ó da última publicación do anuncio de licitación no BOP ou no DOG, excepto sábados. Se o último día fose inhábil ou sábado, o prazo finalizará o primeiro día hábil seguinte.

7. Gastos de anuncios e tributos: por conta do adxudicatario.

O que se fai público para cumplir co establecido no artigo 326 da Lei 5/1997, do 22 de xullo, da Administración local de Galicia.

Xunqueira de Ambía, 11 de febreiro de 1999.

José Luis Gavilanes Losada

Alcalde