A Alcaldía-Presidencia, con data do 26 de febreiro de 1999, adoptou acordo do teor seguinte:
1. Incoar expediente para a modificación do sistema de actuación que se seguirá para a execución do Paseo Marítimo na zona de Labañou, substituíndo o de expropiación polo de ocupación directa.
2. Aprobar inicialmente a delimitación, como polígono único, do POL E3.01 para a xestión do APE E3.01 coa seguinte delimitación e relación de propietarios afectados.
Delimitación:
Partindo da esquina noroeste do grupo María Pita na Ronda de Outeiro (punto 1) e discorrendo polo bordo da beirarrúa existente diríxese en liña quebrada de 97,35 ms/l (puntos 2 e 3) cara ó punto 4 (esquina nordés do Grupo María Pita) onde toma dirección sur ata o punto 10 (na esquina do citado grupo coa Avda. de Labañou) mediante unha liña de 250 ms/l que vai seguindo as voltas de beirarrúa existente. No dito punto a liña toma primeiro dirección sueste nunha diagonal de dez metros cara á esquina oposta da r/ Honduras, dirixíndose entón cara ó leste novamente nunha liña recta de 34 ms/l que discorre paralela a tres metros da fachada das edificacións da Avda. de Labañou (punto 11) onde fai unha pequena volta tomando como referencia a esquina sureste do edificio do Refuxio da Caridade, cara a este punto diríxese deténdose na intersección da prolongación do muro que cerra polo leste a propiedade do Refuxio (punto 12). Desde este punto a liña xira cara ó norte discorrendo pegada ó citado
cerre en liña de 174 ms/l ata o seu entroncamento coa aliñación exterior do Paseo Marítimo (punto 13). Finalmente o polígono cérrase coa liña formada pola aliñación exterior do citado Paseo e da Ronda de Outeiro, de 327 ms/l, ata o seu entroncamento co punto número 1.
Delimitación polígono POL E3.01 (Labañou)
Relación de propietarios
Parcela
Ref.
catastral
Propietario
Domicilio
Cidade Superficie
afecta ó
polígono afecta a
dotacións
locais
Superficie
1-APE 7028001 Construcciones Coruña BOH 369,80
2-APE 7028002 Provico, S.L. 490,20
3-APE 7028004 Martínez Orro, S.L. Pepin Rivero, 1 A Coruña 1.873,30
4-APE 7028005 Dolores Seoane Suárez 3.200,40
5-APE 7028006 Manuel Seoane Suárez María Pita A Coruña 4.418
6-APE 7028007 Fernando Iglesia Mantiñan María Luisa Durán Marquina A Coruña 1.250
7-APE 7028008 Ra. Pedreira de la Iglesia 21.356
8-APE 7028009 Hr. Manuel Seoane Suárez Outeiro 1.257
10-APE Concello da Coruña María Pita A Coruña 4.250 4.250
Ten asignado, formando parte da mesma área de reparto, unha parcela exterior cos datos identificativos os seguintes:
9-ARE 7028011 Ramón Val Santiso e outros Ronda Outeiro, 258-6º D A Coruña 1.447
O que se fai público para os efectos previstos no artigo 121 da Lei do solo de Galicia, advertindo ós posibles interesados que durante o prazo de vinte días permanecerá o expediente exposto ó público na oficina de Xestión do Servicio de Urbanismo, de luns a venres e desde as 12 ata as 13.30 horas. Así mesmo advírtese ós interesados que dispoñen do mesmo prazo para presentar títulos de propiedade, certificación rexistral e demais documentación que xustifique a titularidade da parcela ou parcelas de que se trate.
A Coruña, 3 de marzo de 1999.
Alcalde
P.D.
Salvador Fernández Moreda