O Pleno do Concello de Barro, en sesión que tivo lugar o 8 de febreiro de 1999, aprobou definitivamente o expediente da modificación puntual número 1 do Plan Xeral de Ordenación Municipal do Concello de Barro.
O citado expediente ten por finalidade modifica-lo trazado e o largo da rúa de Outeiro, que dá acceso ó IES do lugar de Outeiro, da parroquia de Perdecanai deste termo. Supón esta modificación que o largo previsto no PXOM de 10 m queda agora en 12 m cun aumento progresivo ata os 18 m nas inmediacións do centro.
Con este acordo remata a vía administrativa, polo que se poderá interpoñer contra el recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir da publicación deste anuncio, sen prexuízo de que poida exercer, de se-lo caso, calquera outro recurso que coide oportuno.
Barro, 10 de febreiro de 1999.
María Teresa Roig Olona
Alcaldesa