Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Sestelo y Cía, S.A.

Enderezo social: Gabino Bugallal, 44, 36860 Ponteareas.

Denominación: L.M.T. Ponteareas-Angoares.

Situación: Ponteareas.

Descricións técnicas: L.M.T., aerosubterránea, a 20 kV, de 350 m de lonxitude o tramo subterráneo, con conductor 95 mm, desde o centro de distribución de San Roque, ata a zona da depuradora de Ponteareas, onde se converte en aérea e de dobre circuíto, de 947 m de lonxitude, con conductor tipo LA-110, sobre apoios metálicos, rematando un circuíto na L.M.T. existente a Angoares e o outro na L.M.T. de circunvalación, concello de Ponteareas.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve,

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación.

Pontevedra, 12 de xaneiro de 1999.

Carmen Bianchi Valcarce

Delegada provincial de Pontevedra