A crise biolóxica na que se atopa a sardiña do stock íbero-atlántico e que nos últimos anos vén sendo diagnosticada de maneira insistente e rotunda nos diferentes foros científicos, afecta moi especialmente ás flotas galegas que teñen nesta especie a súa principal fonte de rendibilidade.
Por esta razón, parece aconsellable realizar na Comunidade Autónoma de Galicia unha veda enfocada a esta especie, co fin de acadar unha recuperación da súa poboación. Por todo o exposto,
DISPOÑO:
Artigo único.-Prohíbense as capturas da sardiña (Sardina pilchardus) con calquera arte en augas de competencia da Comunidade Autónoma galega desde o 1 ó 30 de marzo (ambos inclusive) do presente ano.
Disposición derradeira
Facúltase o director xeral de Recursos Mariños para adoptar tódalas medidas necesarias para o desenvolvemento da presente orde, que entrará en
vigor o día seguinte ó da súa publicación no Diario Oficial de Galicia.
Santiago de Compostela, 12 de febreiro de 1999.
P.O. 17-12-1997 (DOG nº 246, do 22-12-1997)
Juan José Álvarez Pérez
Secretario xeral da Consellería de Pesca,
Marisqueo e Acuicultura