DOG 31 do 16/02/1999 - RESOLUCIÓN do 9 de febreiro de 1999 pola que se anuncia a licitación, mediante procedemento aberto por concurso e trámite de urxencia, dos seguintes contratos de servicio: catalogación de impresos anteriores a 1900 en Santiago de Compostela, Lugo, Pontevedra e Ferrol con destino ó C.S.B.G.; traslado a formato MARC de rexistros procedentes da biblioteca nodal de Ourense e con destino ó C.S.B.G.

VI. ANUNCIOS

DA ADMINISTRACIÓN AUTONÓMICA

CONSELLERÍA DE CULTURA, COMUNICACIÓN SOCIAL E TURISMO

RESOLUCIÓN do 9 de febreiro de 1999 pola que se anuncia a licitación, mediante procedemento aberto por concurso e trámite de urxencia, dos seguintes contratos de servicio: catalogación de impresos anteriores a 1900 en Santiago de Compostela, Lugo, Pontevedra e Ferrol con destino ó C.S.B.G.; traslado a formato MARC de rexistros procedentes da biblioteca nodal de Ourense e con destino ó C.S.B.G.

A Consellería de Cultura, Comunicación Social e Turismo unha vez cumpridos os trámites adminis

trativos correspondentes, resolveu anuncia-la licitación, mediante procedemento aberto por concurso e trámite de urxencia, dos seguintes contratos de servicio:

1. Catalogación de impresos anteriores a 1900 en Santiago de Compostela, Lugo, Pontevedra e Ferrol, con destino ó Centro Superior Bibliográfico de Galicia.

Orzamento de licitación: 20.000.000 de ptas. (vinte millóns de pesetas), IVE incluído.

Prazo de execución: catro (4) meses.

Garantía provisional: exenta.

Clasificación do contratista: grupo III, subgrupo 3, categoría c.

2. Traslado a formato MARC de rexistros procedentes da biblioteca nodal de Ourense e con destino ó Centro Superior Bibliográfico de Galicia.

Orzamento de licitación: 10.000.000 de ptas. (dez millóns de pesetas), IVE incluído.

Prazo de execución: catro (4) meses.

Garantía provisional: exenta.

Clasificación do contratista: non se esixe.

Exposición da documentación: o prego de cláusulas administrativas particulares e o prego de prescricións técnicas estarán de manifesto no Servicio de Obras e Contratación da Consellería de Cultura, Comunicación Social e Turismo, e nas delegacións provinciais durante o prazo de presentación de proposicións, de 10 a 14 horas, e no teléfono 981 58 89 38.

Prazo de presentación de proposicións: será ata as 14 horas do décimo terceiro día natural, contado a partir do día seguinte ó da publicación da presente resolución no DOG.

Lugar de presentación de proposicións: no rexistro xeral da consellería en sobres pechados e asinados polo licitador ou persoa que o represente. Se as proposicións se envían por correo, haberá que aterse ó previsto na cláusula 7.2 do prego de cláusulas administrativas particulares.

Documentación que presentarán os licitadores: a establecida pola cláusula 7 do prego de cláusulas administrativas particulares.

Apertura de proposicións: será realizada pola mesa de contratación ás 11 horas do quinto día natural seguinte ó do remate do prazo de admisión de proposicións na sala de xuntas da Consellería de Cultura, Comunicación Social e Turismo.

Se coincidise en sábado ou festivo, terá lugar o inmediato día hábil seguinte á mesma hora.

O importe do anuncio do presente concurso será por conta dos adxudicatarios.

Santiago de Compostela, 9 de febreiro de 1999.

Andrés González Murga

Secretario xeral da Consellería de Cultura,

Comunicación Social e Turismo