A Xerencia Xeral do Complexo Hospitalario de Pontevedra, en virtude das atribucións que lle foron delegadas conforme o establecido no artigo 7 da Orde do 21 de abril de 1998 (DOG do 11 de maio), da
Consellería de Sanidade e Servicios Sociais, convoca o concurso público nº 9901HP, polo procedemento aberto seguinte:
1. Obxecto: a contratación da explotación do servicio de cafetería, restaurante e máquinas expendedoras de bebidas e alimentos sólidos, do Hospital Provincial de Pontevedra.
O canon mínimo establécese en 200.000 pesetas anuais
2. Prazo de execución: máximo de seis meses paras as obras de remodelación dos espacios actuais destinados a prestación do servicio, e un máximo de 25 anos para a explotación, contados desde o asinamento do contrato.
3. Documentos de interese para os licitadores: o prego de cláusulas administrativas particulares e de prescricións técnicas, e demais documentación complementaria, poderán ser solicitadas na sección de contratación administrativa do Hospital Provincial de Pontevedra, rúa Loureiro Crespo, nº 2, C.P. 36001, nos días laborables desde as 9 ata as 14 horas, ou por teléfono 986 80 70 03, ou fax 986 80 70 51, durante o prazo de admisión das proposicións, agás sábados.
4. Fianzas: provisional, o dous por cento do orzamento do investimento que se vai realizar, que se constituirá conforme o disposto no prego de cláusulas administrativas particulares.
5. Solvencia económica e financeira: as empresas licitadoras acreditarán a súa solvencia económico-financeira, mediante a presentación dunha declaración relativa á cifra de negocios global, así como dos servicios ou traballos realizados pola empresa no curso dos últimos exercicios.
6. Solvencia técnica: acreditarase mediante unha relación dos principais servicios efectuados durante os tres últimos anos, indicándose o seu importe, datas e destino público ou privado, a que se incorporarán os correspondentes certificados sobre os mesmos.
7. Criterios de adxudicación: os estipulados no prego de cláusulas (punto 6) e na folla de especificacións (p. 8).
8. Presentación das proposicións: as proposicións presentaranse en man, en sobres pechados e asinados polo licitador ou persoas que o representen, no rexistro xeral do Hospital Provincial de Pontevedra, antes das catorce horas do vixésimo sexto día natural contado a partir do seguinte ó da publicación desta resolución no DOG, ou por correo na forma indicada no artigo 100 do Regulamento xeral de contratos do Estado. No caso de que o dito día coincida en sábado ou festivo, o prazo de presentación rematará o día hábil seguinte.
9. Apertura das proposicións: a apertura das proposicións admitidas será realizada pola mesa de contratación, reunida en acto público na sala de xuntas do Hospital Provincial de Pontevedra, a partir das dez horas do décimo primeiro día natural contado
a partir do seguinte a aquel no que remate o prazo de presentación de ofertas. No caso de que o dito día coincida en sábado ou festivo, a apertura das proposicións terá lugar o día hábil seguinte.
10. Documentación que deberán achega-los licitadores: os documentos que figuran no prego de cláusulas administrativas particulares e os seus anexos.
11. Variantes: admitiranse variantes, sempre que se cumpra o establecido no prego de prescricións técnicas.
12. Anuncios: o importe dos anuncios do presente concurso público será por conta do adxudicatario.
Pontevedra, 28 de xaneiro de 1999.
Pedro Soler Bordoy
Xerente xeral do Complexo Hospitalario
de Pontevedra