1. Entidade adxudicadora: Concello de Pontevedra. Praza de España s/n. 36071 Pontevedra.
a) Órgano de contratación: Pleno da Corporación.
b) Dependencia que tramita o expediente: Unidade de Contratación e Patrimonio.
2. Obxecto do contrato.
a) Descrición do obxecto: xestión e explotación da cafetería situada na superficie do aparcamento de Campolongo (audiencia provincial).
b) Duración da concesión: o contrato de xestión e explotación da cafetería terá unha duración de dez anos improrrogables, computados desde a formalización do contrato.
3. Tramitación, procedemento e forma de adxudicación.
a) Tramitación: ordinaria.
b) Procedemento: aberto.
c) Forma: concurso.
4. Canón. O Canon anual mínimo que satisfará o concesionario fíxase en 1.140.000 ptas. que será aboado na Tesourería do concello por trimestres vencidos, dentro dos primeiros dez días do mes seguinte ó vencemento.
5. Garantías.
a) Provisional: 100.000 ptas.
b) Definitiva: 1.140.000 ptas.
6. Obtención de documentación e información.
a) Lugar: Unidade de Contratación e Patrimonio do Concello de Pontevedra. Praza de España s/n. Pontevedra 36071. Teléfono: 986 80 43 00. Fax: 986 86 01 02.
b) Data límite de obtención de documentos e información: corenta (40) días naturais contados a partir do día seguinte ó da publicación deste anuncio no Diario Oficial de Galicia.
7. Presentación das ofertas.
a) Data límite de presentación: corenta días naturais contados a partir do día seguinte ó da publicación deste anuncio no Diario Oficial de Galicia.
b) Documentación que hai que presentar: cláusula 12ª do prego.
c) Lugar de presentación: rexistro xeral do Concello de Pontevedra. De 9 a 13 horas.
8. Apertura das ofertas.
Será efectuada pola mesa de contratación o día seguinte hábil ó da terminación do prazo sinalado para a presentación das ofertas, si coincidira en sábado a apertura realizarase ó día seguinte hábil, ás 9 horas na sala de xuntas.
9. Criterios de selección. Os criterios que servirán de base para a adxudicación serán os seguintes:
a) Maior canon anual ofertado polo licitador a aboar ó concello pola utilización dos bens de dominio público, respecto ó establecido no presente prego como canon mínimo. Valorarase ata un máximo do 50%.
b) Calidade dos materiais, mobiliario, menaxe, etc., que se empregará na cafetería. Valorarase ata un 30%.
c) Medios persoais adscritos ó servicio: número e cualificación. Valorarase ata un 20%.
10. Gastos. Serán por conta do adxudicatario os seguintes gastos:
a) Os dos anuncios que xere o concurso e os seus actos preparatorios.
b) Os tributos estatais, autonómicos e municipais que deriven do contrato, incluído o IVE.
c) Os de formalización do contrato de adxudicación en documento administrativo de conformidade coa ordenanza fiscal reguladora da taxa.
d) Os gastos que se xeren da explotación do local destinado a cafetería e o imposto de actividades económicas.
e) Tódolos os gastos que xere a adaptación do local e, se é o caso, do contorno destinado a cafetería.
f) Os gastos de mantemento das zonas axardinadas e de limpeza da praza.
Pontevedra, 18 de xaneiro de 1999.
Juan Luis Pedrosa Fernández
Alcalde
Julio Dapena Outomuro
Secretario xeral