Visto o texto do convenio colectivo para a empresa Cementos Cosmos, S.A. (código 2700102), da provincia de Lugo, asinado o día 18 de novembro de 1998, pola representación da citada empresa e a dos seus traballadores, e de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, e no Real decreto 1040/1981, do 22 de maio, sobre rexistro e depósito de convenios colectivos de traballo, esta delegación provincial
ACORDA:
Primeiro.-Ordena-la inscrición do citado convenio colectivo no rexistro de convenios desta delegación, así como o seu depósito.
Segundo.-Remitirlle o texto do citado convenio á Dirección Xeral de Relacións Laborais da Xunta de Galicia.
Terceiro.-Dispoñe-la súa publicación no Diario Oficial de Galicia.
Lugo, 1 de decembro de 1998.
José María Fernández Olea
Delegado provincial de Lugo
Acta de acordos complementarios da comisión
negociadora do convenio colectivo de Cementos
Cosmos, S.A., factoría de Oural, para 1998 y 1999
Asistentes:
Por la representación de los trabajadores:
Mario S. Camino López.
José Luis López López.
José A. Ingerto Díaz.
Manuel González López.
José Manuel Campo López.
Francisco López López.
Fernando Pérez Rodríguez.
Antonio Guitián Docasar.
Amador Alvaredo Vázquez.
José Antonio Yañez Ortiz.
Por la dirección de la empresa:
Félix Rico Gómez.
José A. Valcárcel Tallos.
Antonio Valverde Pampillón.
Miguel Rodríguez del Río.
Luis Fugarolas Vila (ausente).
En Oural, factoría de Cementos Cosmos, S.A., o día 18 de novembro de 1998, reúnense as personas citadas no encabezamento, co fin de proceder á sinatura dos seguintes acordos:
Primeiro.-Con efectos a partir do 1 de decembro de 1998, os quilómetros das viaxes fixas aboaranse polo importe de 39 pesetas.
Segundo.-Establécese o compromiso de celebrar unha reunión ordinaria entre o comité de empresa e a dirección coa asistencia dos responsables de recursos humanos, cunha periodicidade mínima trimestral; as súas datas estableceranse para cada ocasión.
Terceiro.-Aboaráselle-la cantidade de 5.000 pesetas lineais a tódolos traballadores adicionadas á liquidación de atrasos do convenio.
E sen outro asuntos que tratar, dáse por finalizada a reunión, asinando os presentes en proba da súa conformidade con todo o exposto.
Décimo cuarto convenio colectivo de traballo para a empresa Cementos Cosmos, S.A.
Capítulo preliminar
Intervenientes
O presente convenio colectivo foi negociado e subscrito, dunha parte, polo comité de empresa da factoría de Oural de Cementos Cosmos, S.A., e doutra, polos representantes designados pola dirección da empresa. Ámbalas partes recoñécense a lexitimación esixida polos artigos 87 e 88 do Real Decreto Lexislativo 1/1995, do Estatuto dos traballadores.
Capítulo I
Disposicións xerais
Sección primeira
Ámbitos
Artigo 1º.-Ámbito territorial.
O presente convenio colectivo será de aplicación para os centros de traballo da factoría de Oural, canteira de Vilavella e canteira do Val do Mao da empresa Cementos Cosmos, S.A., na provincia de Lugo.
Artigo 2º.-Ámbito persoal.
Afecta este convenio a totalidade do persoal pertencente ó cadro de persoal da sociedade e que se atope prestando os seus servicios dentro do ámbito territorial expresado no artigo anterior, así como aquel que ingrese na sociedade do referido ámbito durante a súa vixencia, coa excepción do persoal que, logo da súa libre, voluntaria e expresa acep
tación, sexa considerado como «persoal fóra de convenio», entendéndose por persoal fóra de convenio o persoal directivo. Este último, non obstante, poderá renunciar en calquera momento a esa condición e acollerse ó réxime de convenio.
Artigo 3º.-Vixencia e duración. Denuncia.
O presente convenio entrará en vigor o día da súa publicación no BOP e a súa duración será ata o 31 de decembro de 1999.
Para a denuncia do convenio procederase cunha antelación de trinta días como mínimo antes do seu vencemento. A dita denuncia será efectuada por calquera das partes e por escrito.
Sección segunda
Absorción, compensación e condicións máis beneficiosas
Artigo 4º.-Absorción e compensación.
As melloras resultantes do presente convenio serán absorbidas naquelas cuestións concretas que sexan superadas por disposición legal. Estas cuestións serán inmediatamente aplicadas ó presente convenio.
Artigo 5º.-Condicións máis beneficiosas.
Tódalas melloras contidas no presente convenio establécense co carácter de mínimas dentro das condicións pactadas. Respectaranse as situacións que impliquen para o traballador condicións máis beneficiosas cás aquí comprendidas, mentras non sexan absorbidas ou superadas pola aplicación doutras normas laborais.
Sección terceira
Comisión paritaria e arbitraxe
Artigo 6º.-Comisión de vixilancia.
Para vixia-lo cumprimento do convenio, e co fin de interpretalo, cando proceda, constitúese unha comisión mixta de vixilancia formada por catro membros como máximo da representación de traballadores e outros tantos en representación da empresa, todos eles co seu respectivo suplente.
Compoñentes desta comisión:
Representantes da empresa:
Luis Fugarolas Vila.
José Antonio Valcarcel Tallos.
José Luis López López.
Miguel Rodríguez do Río.
Representantes dos traballadores:
Mario Secundino Camino López.
José Antonio Ingerto Díaz.
José Manuel Campo López.
Amador Alvaredo Vázquez.
Actuarán como secretarios desta comisión dous dos seus vocais, un en representación da empresa e outro
en representación dos traballadores, que levantarán acta conxunta das reunións.
Co exclusivo obxecto de dirixi-las reunións, sen poder decisorio ningún nin voto de calidade, designarase en cada reunión un presidente moderador. Este cargo será desempeñado alternativamente por un vocal da representación dos traballadores e outro da representación empresarial.
Ámbalas representacións poderán asistir ás reunións con tres asesores, como máximo, que poderán ser alleos á empresa, os cales terán voz pero non voto.
As reunións desta comisión celebraranse cando o solicite calquera das partes. As convocatorias cursaranas os secretarios comunicando a orde do día. O domicilio da comisión mixta será o propio da empresa.
A comisión, por medio dos seus secretarios, publicará os acordos interpretativos do convenio, facilitando copias á empresa e á representación dos traballadores, no prazo que en cada caso se determine.
As decisións tomaranse considerando que cada vocal ten un voto.
Será da competencia da comisión regular o seu propio funcionamento.
Artigo 7º.-Arbitraxe.
Calquera discrepancia, individual ou colectiva que poida xurdir entre as partes, respecto á interpretación ou aplicación deste convenio, será sometida obrigatoriamente, pola parte ou partes que o promovan, á comisión de vixilancia do convenio, que resolverá no prazo máximo de 20 días, desde a data en que a presentasen. Os seus acordos serán adoptados por maioría simple.
En caso de que esta non chegue a un acordo, a cuestión será sometida ó procedemento extraxudicial de solución de conflictos de traballo regulado na Resolución do 9 de marzo de 1992 da Dirección Xeral de Traballo e Promoción de Emprego, DOG do 8 de abril, texto revisado pola comisión paritaria do 15-3-1995, DOG do 4 de maio.
Dictada a dita arbitraxe ou obtida avinza previa, tanto en trámite conciliatorio como en trámite de mediación, ámbalas partes comprométense a cumprir nos seus propios termos a decisión que se adopte sen prexuízo das accións a que houber lugar.
Capítulo II
Política de emprego
Sección primeira
Disposicións xerais
Artigo 8º.-Contrato de traballo.
Na contratación de traballadores observarase o establecido na Lei 2/1991, do 7 de xaneiro (BOE
do 8 de xaneiro), sobre dereitos de información dos representantes dos traballadores en materia de contratación.
Artigo 9º.-Período de proba.
Tódalas incorporacións de novos traballadores estarán sometidas a un período de proba que poderá ser de ata 9 meses para o persoal titulado e ata dous meses para o resto dos traballadores.
Durante este período tódolos dereitos e obrigas serán os mesmos que para o persoal fixo, a excepción da posibilidade de rescisión do contrato, que poderá producirse por decisión de calquera das partes cun aviso previo de 24 horas.
Artigo 10º.-Expediente de crise.
Tres meses antes de que a empresa solicite calquera expediente abrirase unha información e discusión cos sindicatos e o comité de empresa.
Artigo 11º.-Xubilacións.
A xubilación será ós 64 anos, no caso de que a pedise calquera das partes, traballador ou empresa, e será regulada de acordo co Real decreto 1194/1984, do 17 de xullo (BOE do 20 de xullo).
Os traballadores que cumprisen sesenta anos e se encontren diminuídos física ou psiquicamente polo desempeño do seu traballo, a empresa estudiará cada caso en particular, para proceder á súa xubilación ó centro por cento da súa base reguladora.
Sección segunda
Xornada de traballo
Artigo 12º.-Xornada laboral.
A xornada laboral será de corenta horas semanais, en cómputo trimestral, incluíndo media hora de bocadillo para a xornada continuada.
Artigo 13º.-Horas extraordinarias.
Acórdase reducir ó mínimo indispensable as horas extraordinarias de acordo cos seguintes criterios:
1. Horas extraordinarias habituais: supresión.
2. Horas extraordinarias que veñan esixidas pola necesidade de reparar sinistros e outros danos extraordinarios e urxentes: realización.
3. Horas extraordinarias motivadas por causas de forza maior e estructurais: realización.
De acordo co disposto no O.M. do 1 de marzo de 1983 e para efectos do regulamentado no artigo 7 do R.D. 92/1983, entenderanse por horas estructurais as necesarias por pedidos imprevistos, períodos punta de producción, ausencias imprevistas, cambios de quenda, ou outras circunstancias de
carácter estructural, derivadas da natureza da actividade de que se trate o mantemento sempre que non poidan ser substituídas pola utilización das distintas modalidades de contratación previstas legalmente.
Para iso, notificaráselle así, mensualmente, á entidade laboral. En todo isto haberá que se ater ó disposto na O.M. do 1 de marzo de 1983.
4. Na empresa constituirase unha comisión, integrada por dous membros do comité de empresa e un representante da dirección, que terá as funcións seguintes:
a) Examinar se as horas extras realizadas no mes anterior se axustan a estas normas.
b) Facerlle propostas e suxestións á dirección da empresa.
c) Denunciar á dirección do centro os incumprimentos que puidesen observarse.
d) Recibir periodicamente (mensualmente) unha relación por grupos de traballo das horas realizadas, podendo acudir á sección de persoal para aclarar calquera dúbida que ó respecto se presente.
5. As horas extras repartiranse equitativamente entre os traballadores cando a organización dos traballos o permita.
6. O importe das horas extras queda fixado na contía que para cada chanzo e antigüidade se sinala no anexo III.
Artigo 14º.-Días festivos.
Ademais dos establecidos no calendario laboral, establécese como festivo para tódolos efectos o día catro de decembro, Sta. Bárbara, considerado como o día da patroa. En caso de coincidir este día con outro día de descanso, trasladarase a outro laboral.
En caso de coincidir algún dos días festivos en sábado, compensarase a todo o persoal que realice a súa xornada de traballo de luns a venres.
Artigo 15º.-Vacacións e permisos retribuídos.
O cálculo para os pagamentos destas percepcións efectuarase como se se permanecese traballando.
Para todo o persoal, as vacacións serán de trinta días naturais.
Aqueles traballadores que por motivos da empresa non desfruten 19 días continuados, na época de verán, poderán optar por percibi-la compensación económica sinalada no anexo IV, ou desfrutar 5 días laborables máis de vacacións, logo de acordo coa empresa.
Capítulo III
Prevención de riscos laborais
Artigo 16º.-Prevención de riscos laborais.
En todo o referido á prevención de riscos laborais e comité de seguiridade e saúde, ámbalas partes acordan remitirse expresamente ó disposto na lexislación xeral vixente, Lei de prevención de riscos laborais, Lei 31/1995, do 8 de novembro, e normas que a desenvolvan.
Capítulo IV
Representación dos traballadores
Artigo 17º.-Representación dos traballadores.
En todo o referente ós órganos de representación dos traballadores, haberá que se ater ó disposto no título II do R.D.L. 1/1995, do 24 de marzo, do Estatuto dos traballadores, así como á Lei orgánica 11/1985, do 2 de agosto, de liberdade sindical, e a restante lexislación que resulte de aplicación. As horas sindicais serán acumulables entre os diferentes representantes dos traballadores.
Capítulo V
Retribucións
Sección primeira
Incremento salarial
Artigo 18º.-Incremento salarial.
Para 1998:
1. Con carácter xeral incrementaranse as táboas salariais que figuran nos anexos I, II e III o 3%, con efectos desde o 1 de xaneiro de 1998.
2. Os conceptos económicos consignados no anexo IV, aboaranse polos importes que figuran nel con efectos desde o 1 de xaneiro de 1998.
Para 1999:
1. As táboas salariais dos anexos I, II e III incrementaranse en 1 punto por encima da previsión de IPC para este ano, segundo a estimación contida nos orzamentos xerais do Estado, que é do 1,8%.
2. Os restantes conceptos aboaranse conforme o previsto no anexo V.
As táboas salariais neste ano expresaranse en pesetas e o seu equivalente en euros.
A antigüidade rexerase polo disposto no artigo 23º.
Sección segunda
Conceptos retributivos
Artigo 19º.-Soldo base.
É a parte da retribución do traballador fixada por unidade de tempo; nel enténdense incluídos os com
plementos de posto de traballo que retribúen as condicións específicas dos postos de traballo, excepto o establecido no artigo 23º. O importe é o reflectido no anexo I.
Artigo 20º.-Prima de producción variable.
Establécese esta prima para todo o persoal, incluído o de ensacado, en función da producción de clinker, que será mínima segundo as cantidades que se expresan na táboa de salarios do anexo I, incrementándose o seu valor de acordo co aumento da producción de clinker, segundo anexo II. O cálculo dela efectuarase polo total anual móbil (TAM).
Artigo 21º.-Gratificacións extraordinarias.
Con motivo das festividades de Santiago e Nadal, a empresa aboará unha gratificación, pagadoira coas mensualidades de xuño e novembro, respectivamente.
O importe de cada unha delas será unha mensualidade do solo convenio, antigüidade, e a prima mínima do anexo I, sen que en ningún caso se teña en conta o período de incapacidade laboral transitoria para o seu cálculo.
Artigo 22º.-Paga de beneficios.
A paga de beneficios aboarase coa mensualidade de decembro, e o seu importe será o correspondente a unha mensualidade de solo base, antigüidade, e a prima mínima do anexo I.
En ningún caso se terá en conta o período de incapacidade laboral transitoria para o seu cálculo.
Artigo 23º.-Antigüidade.
Tomarase para o seu cómputo o salario mínimo interprofesional, aplicándose as seguintes porcentaxes:
Anos%
2 5
410
917
1424
1931
2438
2945
3450
Actualizarase en cada momento e automaticamente segundo os incrementos do salario mínimo inteprofesional.
Artigo 24º.-Gratificacións por quendas.
O traballo a quenda, entendéndose por tal, o que se presta en xornada ininterrompida de oito horas,
de mañá, tarde e noite, en quenda rotativa, gratificarase cunha gratificación, consistente no valor expresado no anexo IV. Os traballadores que presten os seus servicios en dúas quendas rotativas (mañá e tarde), recibirán unha gratificación, segundo o valor expresado no citado anexo IV.
Devengarase esta gratificación mentres o productor realice as súas funcións segundo o disposto neste artigo, deducíndose unicamente deste cómputo o período en que se encontre de baixa por incapacidade laboral transitoria.
Tamén se devengará durante as vacacións proporcionalmente ó devengado por este concepto durante o período anterior, computado de vacación a vacación. Tamén terá dereito a este plus, o traballador, que estando a quenda o 70% do ano, sexa incorporado de forma temporal a quenda central ou dúas quendas, por necesidades da empresa.
Para os efectos do aboamento do plus de quenda establécese que será devengado tamén polo traballador, que non está a quenda rotativa, e que por necesidades de servicio teña que ser incorporado de forma frecuente a este réxime, mentre dure, esta situación.
Non se considerará en rime de traballo a quenda, o traballador que aínda tendo un horario de traballo coincidente cunha calqueda das quendas non efectúe rotación normal de horario, a menos que sexa por xuro da empresa.
Artigo 25º.-Gratificacións traballos de Noiteboa, Noitevella e Reis.
O persoal que teña que traballar algunha noite destes días (do 24 ó 25 de decembro, do 31 de decembro ó 1 de xaneiro e do 6 ó 7 de xaneiro), será gratificado coa cantidade fixada no anexo IV por cada noite traballada.
Artigo 26º.-Gratificación de distancia.
Terán dereito a esta gratificación aqueles traballadores que desde a súa residencia ó lugar de entroncamento co percorrido do servicio de ómnibus facilitado pola empresa, medien máis de dous km.
Percibirán a cantidade estipulada no anexo IV por cada quilómetro percorrido de ida e volta e por cada xornada laboral, sen exclusión de ningún km percorrido.
Artigo 27º.-Axudas de custo.
Pagaranse os gastos mediante a presentación de factura, incrementados nas cantidades sinaladas no anexo IV (axudas de custo, letra A). Tamén poderán opta-los traballadores por cobraren as cantidades da letra B) do citado anexo, sen que se paguen os gastos.
Capítulo VI
Acción social
Artigo 28º.-Premios por vinculación.
A empresa establece un premio por vinculación ós traballadores que cumprisen vinte anos de antigüidade nela, ben de forma continuada ou alterna, sen ter roto o seu nexo laboral, así como aqueles traballadores que por xubilación, incapacidade total permanente, absoluta e gran invalidez ou falecemento non alcance os 20 anos de antigüidade.
Este premio consistirá:
1. Nunha placa conmemorativa de prata.
2. Nun premio en metálico o importe do cal se fixa no anexo IV.
3. Anulación de faltas leves, graves e moi graves en expediente laboral.
Artigo 29º.-Complemento por enfermidade.
A empresa complementará ata o 100% do salario convenio máis a antigüidade e a prima mínima, desde o primeiro día, se non se supera a porcentaxe de absentismo da sección; cando se superase esta porcentaxe de absentismo a empresa complementará ata o 100% dos conceptos citados a partir do día 25 da data de baixa. O servicio médico de empresa emitirá informe dos casos en que proceda aboar tal complemento, para o cal poderá efectua-los recoñecementos ou accións que considere oportunas.
Artigo 30º.-Axuda a minusválidos e diminuídos psíquicos.
Aqueles traballadores en situación activa que teñan a cargo fillos minusválidos ou diminuídos psíquicos, recoñecidos segundo as normas do INSS, percibirán a cantidade mensual reflectida no anexo IV por cada fillo diminuído psíquico ou minusválido. Así mesmo, a empresa aboará os gastos que a Administración do Estado non cubra naqueles casos en que asistan a escolas de educación especial.
Artigo 31º.-Axuda de estudios.
1. Terán dereito a optar a esta axuda os fillos de productores en activo, de viúvas de traballadores e de xubilados.
2. As contías mínimas establecidas no anexo IV serán revisadas tódolos anos e cubrirán os seguintes conceptos:
-Primaria 1º a 3º.
-Primaria 4º a 6º e ESO 1º e 2º.
-ESO 3º e 4º, BUP, COU, FP ou similares.
-Estudios técnicos e universitarios ou similares.
3. As contías anteriores incrementaranse segundo concorra o alumno nas seguintes circuntancias:
a) Canto teña que utilizar medios de transporte para acudir ó centro de estudios.
b) Se ademais do exposto na letra anterior, tamén ten que comer fóra da súa residencia familiar.
c) Cando deba residir fóra da súa residencia.
4. Os mínimos establecidos nos puntos 2 e 3 serán incrementados nun cincuenta por cento para fillos de viúvas de traballadores e fillos de productores xubilados con ingresos medios mensuais que non superen a cantidade mensual sinalada no anexo V.
5. Concederanse axudas económicas para estudios que tendan ó perfeccionamento dos traballadores, extensible ás súas esposas, dentro da súa liña de producción, ou ben contribúa á elevación do seu nivel cultural, de acordo coa sistemática establecida nos puntos precedentes.
Artigo 32º.-Seguro de accidentes.
A empresa concertará, por conta exclusiva dela, unha póliza de seguros que cubrirá a tódolos traballadores en activo polos riscos de morte ou invalidez total ou absoluta, derivada de accidente ocorrido durante as 24 horas do día, (excepto riscos extraordinarios excluídos pola compañía de seguros), e enfermidade profesional, pola contía recollida no anexo IV. O incremento do importe delas entrará en vigor con efectos desde o 1-1-1999.
Artigo 33º.-Transporte de accidentados e enfermos.
A empresa porá á disposición do persoal accidentado ou enfermo que teña que comparecer nos seus centros médicos, o medio de transporte adecuado ou, no seu defecto, aboaralles ós traballadores que estean nesta situación o importe correspondente a este traslado.
Capítulo VI
Disposicións derradeiras
Artigo 34º.-Vinculación á totalidade.
As condicións pactadas no presente convenio forman parte dun todo orgánico, indivisible e para efectos da súa interpretación e aplicación práctica, terán que ser considerados globalmente sen que, por iso, sexa procedente acudir ás disposicións favorables e rexeita-las que na súa illada consideración non o sexan.
Artigo 35º.-Publicidade.
A empresa deberá ter exposto un exemplar do presente convenio en cada un dos centros de traballo, para o debido coñecemento de todo o persoal.
Artigo 36º.-Normas supletorias.
No non previsto no presente convenio aplicarase a lexislación laboral xeral vixente en cada momento e o reflectido no sétimo convenio colectivo.
Disposicións adicionais
Primeira.-Efectuarase unha revisión das táboas salariais se o IPC o 31-12-1999 supera a previsión do ano (1,8%). Esta revisión aplicaráselles ás táboas salariais a partir do 1 de xaneiro do ano 2000, tendo efectos retroactivos desde o 1 de xaneiro de 1999 só se a desviación entre a previsión e o IPC real supera os 0,3 puntos, é dicir, se resulta ser superior ó 2,1%.
Segunda.-Constituirase unha comisión, composta por catro membros de cada parte, que terá por obxectivo a elaboración dun novo texto que substitúa o convenio actual unha vez que finalice a vixencia do presente. Para este fin, acórdase celebrar un mínimo de 10 reunións entre o 1-1-1999 e o 30-6-1999.
ANEXO I
Táboa de salarios con efectos
de 1º de xaneiro de 1998
mes e variableCategorías Esc. Soldo base
Prima fixa
Total mes
Subdirector de sección 190.545 155.882 346.427
Técnicos titulados 190.545 84.409 274.954
Axudantes 149.101 97.638 246.739
Xefe Admvo. 2ª, Delte. Sup., Enc. laboratorio, físico, químico, programación Cont. de Fáb. e mestro de taller A 10 136.523 90.498 227.021
Ofic. 1º Admvo., X. quenda A, M. taller B e de obras A, Enc. Mantº. canteira 9 132.381 81.029 213.410
Enc. almacén e M. obras B 8 129.840 78.756 208.596
Enc. B. móbil, X. quenda B, M. taller C, vixilante de obras 7 123.270 70.412 193.682
Delineante, Cod. pas e trailer, Ofic. 1º A 6 116.762 64.418 181.180
Capataz 5.1 108.824 68.904 177.728
Ofic. 2ª Admvo., Ofic. 1ª oficio B, perforista 5.2 108.824 64.413 173.237
Ofic. 2ª oficio A, Aux. organización 4 103.034 56.818 159.852
Ofic. 2ª oficio B, persoal de ensacado 3 99.701 55.422 155.123
Ofic. 3ª oficio, almaceneiro, telefonista, gardas e basculeiros 2 98.256 52.891 151.147
Peóns 1.1 98.101 52.825 150.926
Ordenanzas e mulleres limpeza 1.2 98.101 47.798 145.899
Salario mínimo interprofesional 68.040
ANEXO IV
Artigo Concepto Importe
15 Vacacións fora de período (ptas./ano) 22.241
24 Quenda rotativa 3 quendas (ptas./mes) 29.235 Quenda rotativa 2 quendas (ptas./mes) 8.544
25 Noiteboa, Noitevella e Reis (ptas./ano) 12.500
26 Plus distancia (ptas./km) 28,00
27 Axudas de custo (ptas./día) A) Axuda de custos completa máis gastos con factura 2.065 Media axuda de custos máis gastos con factura 1.033 B) Axuda de custos completa sen gastos 7.884 Media axuda de custos sen gastos 3.942
28 Premio vinculación 205.432
30 Axuda minusválidos (ptas./mes) 11.000
31 Axuda por estudios curso 1998-1999 (ptas./ano) Primaria 1º a 3º 11.500 Primaria 4º a 6º e ESO 1º e 2º 22.860 ESO 3º e 4º, FP, BUP, COU 47.866 Estudios técnicos universitarios 83.262 a) Transporte para acudir ó centro 5.712 b) Transporte e comida 17.337 c) Residencia fóra do seu domicilio habitual 34.303 Ingresos máximos Apdo. 4º 108.624
32 Seguro accidentes Ata 31-12-1998 4.000.000
Outros conceptos
Gratif. traslado canteira (ptas./mes) 23.672
Plus de mando (ptas./ano) de 0 a 1.257.722
ANEXO V
Importes dos conceptos económicos
desde 1-1-1999
Artigo Concepto Importe
15 Vacacións fóra de período (ptas./ano) IPC previsto
24 Quenda rotativa 3 quendas (ptas./mes) 31.281 Quenda rotativa 2 quendas (ptas./mes) 8.971
25 Noiteboa, Noitevella e Reis (ptas./ano) 15.000
26 Plus distancia (ptas./km) 30,00
27 Axudas de custo (ptas./día) A) Axuda de custos completa máis gastos con factura IPC previsto Media axuda de custos máis gastos con factura IPC previsto B) Axuda de custos completa sen gastos IPC previsto Media axuda de custos sen gastos IPC previsto
28 Premio vinculación IPC previsto
30 Axuda minusválidos (ptas./mes) 12.000
Artigo Concepto Importe
31 Axuda por estudios curso 1999-2000 (ptas./ano) Primaria 1º a 3º IPC previsto Primaria 4º a 6º e ESO 1º e 2º IPC previsto ESO 3º e 4º, FP, BUP, COU IPC previsto Estudios técnicos universitarios IPC previsto a) Transporte para acudir ó centro IPC previsto b) Transporte e comida IPC previsto c) Residencia fóra do seu domicilio habitual IPC previsto Ingresos máximos Apdo. 4º IPC previsto
32 Seguro accidentes Ata 31-12-1998 4.500.000
Outros conceptos
Gratif. traslado canteira (ptas./mes) IPC previsto+1 punto
Plus de mando (ptas./ano) IPC previsto+1 punto
