En cumprimento do acordo adoptado polo Concello Pleno o día 30-12-1998, anúnciase a contratación das obras de construcción centro socio cultural do Mar de Sada, 4ª fase, por procedemento aberto e concurso, con trámite de urxencia.
De conformidade co disposto no artigo 79 da LCAP anúnciase concurso por procedemento aberto e trámite de urxencia para adxudica-las obras anteriormente sinaladas, conforme o seguinte contido:
1. Obxecto do contrato: é obxecto do contrato a execución das obras de construcción centro socio cultural do Mar de Sada, 4ª fase.
2. Duración do contrato: 3 anualidades.
3. Tipo de licitación: 116.796.775 ptas.
Anualidade 1999: 55.000.000 de ptas.
Anualidade 2000: 45.000.000 de ptas.
Anualidade 2001: 16.796.775 ptas.
4. Pagamento: por tratarse de expediente de tramitación anticipada, a adxudicación do contrato queda suxeita á condición suspensiva de existencia de crédito axeitado e suficiente nos exercicios económicos correspondentes.
5. Publicidade dos pregos: estarán de manifesto tódolos días hábiles nas oficinas municipais, departamento de contratación.
6. Garantía provisional: non se esixe.
7. Exposición do prego de cláusulas administrativas particulares: durante os oito primeiros días hábiles seguintes á publicación deste anuncio no Diario Oficial de Galicia, suspendéndose a licitación no caso de impugnación.
8. Garantía definitiva: o 4% do orzamento.
9. Presentación de proposicións: durante os trece días naturais seguintes á publicación do anuncio de licitación (artigo 72.2º b) LCAP) no Diario Oficial de Galicia.
10. Apertura de proposicións: terá lugar ás 13 horas do primeiro día hábil seguinte á conclusión do prazo para presentación de proposicións.
11. Modelo de proposición: o recollido no prego de cláusulas administrativas.
Sada, 8 de xaneiro de 1999.
José Fernández Álvarez
Alcalde en funcións