De conformidade coa proposta da comisión designada para xulga-lo concurso que convocou esta universidade por Resolución do 4 de marzo de 1998 (BOE do 25), para a provisión da praza número 98/011 de profesor titular de universidade da área de coñecemento de biblioteconomía e documentación, do departamento de Humanidades, desta universidade, a favor de María de las Nieves Peiró Graner, e unha vez que a interesada acreditou os requisitos a que alude o punto 2º do artigo 5 do Real decreto 1888/1984, do 26 de setembro,
Este rectorado, no uso das atribucións que lle confire o artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a María de las Nieves Peiró Graner profesora titular de universidade da área de coñecemento de biblioteconomía e documentación, do departamento de Humanidades, desta universidade.
A Coruña, 16 de decembro de 1998.
José Luis Meilán Gil
Rector da Universidade da Coruña