Aprobada inicialmente polo Pleno do Concello, na sesión do día 26 de novembro de 1998, a modificación puntual do plan parcial de ordenación do parque empresarial de Arzúa, redactada polo arquitecto Miguel Serrano Gómez, que ten por obxecto poder efectua-la segregación da parcela de uso industrial e comercial propiedade municipal para a obtención de parcelas de menor dimensión, unha das cales se utilizaría para a colocación da instalación de almacenamento de gas para uso urbano, propondo como consecuencia o trazado dunha nova vía para dar acceso ás parcelas resultantes, o cal determina que teña que realizarse unha estructuración de toda a zona, que afectará a zona verde, a parcela de equipamento comercial e socio-deportivo e outra parcela de uso industrial.

Dándolle cumprimento á previsión contida no artigo 42 nº 1 da Lei 1/1997, do 24 de marzo, do solo de Galicia, somètese o expediente a información pública polo prazo dun mes, contado desde o día seguinte ó da última inserción deste anuncio noDiario Oficial de Galiciae no Boletín Oficial da provincia, período durante o cal poderá ser examinado o expediente e deducidas as alegacións pertinentes.

O dito acordo de aprobación inicial, conforme establece o artigo 32, nº2 da citada Lei 1/1997, do 24 de marzo, determina, por si só, a suspensión do outorgamento de licencias no ámbito territoral, comprendido pola área do territorio afectada pola modificación agora acordada do referido plan parcial, que estaría referida á zona de equipamento comercial

e socio-deportivo do polígono industrial, dado que sobre a zona verde non sería previsible a concesión de licencias urbanísticas, toda vez que as novas determinacións supoñen modificación do réxime urbanístico vixente.

Concrétase que esta suspensión terá unha duración máxima dun ano e extinguirase, en todo caso, coa aprobación definitiva da modifiación puntual do plan parcial.

En Arzúa, 30 de novembro de 1998.

Manuel Moscoso López

Alcalde