Convocada a provisión, polo sistema de libre designación, de varios postos de traballo vacantes na Consellería da Presidencia e Administración Pública, pola Orde do 16 de outubro de 1998 (Diario Oficial de Galicia nº 208, do 27) en uso das facultades e atribucións conferidas no artigo 15.4º da Lei 4/1988, do 26 de maio, da función pública de Galicia, modificada pola Lei 3/1995, do 10 de abril, e de conformidade co disposto no artigo 27.2º da referida lei, esta consellería dispón resolve-la citada convocatoria de acordo cos seguintes puntos:

Primeiro.-Adxudicarlle destino nos postos de traballo que se indican ós funcionarios que se relacionan no anexo I da presente orde.

Segundo.-O cesamento no destino actual dos funcionarios que obtiveron praza producirase no prazo de tres días, contados a partir do seguinte ó da data de publicación desta orde no Diario Oficial de Galicia.

O prazo para a toma de posesión do novo destino será de tres días a partir do seguinte ó do cesamento, de tratarse da mesma localidade onde actualmente os funcionarios presten servicios, ou dun mes se radica en distinta localidade, de conformidade co establecido no artigo 14 do Decreto 93/1991, do 20 de marzo, e co disposto na base sétima da convocatoria.

Terceiro.-A xefatura do centro no que causen baixa os funcionarios, así como daquel no que obteña praza consignará no título administrativo, dentro do prazo sinalado no punto anterior, as correspondentes dilixencias de cesamento e toma de posesión das que se lle dará traslado, mediante copia, á Dirección Xeral da Función Pública.

Cuarto.-Contra a presente orde os interesados poderán interpoñer recurso contencioso-administrativo ante o Tribunal Superior de Xustiza de Galicia, no prazo de dous meses a partir do día da súa publicación no Diario Oficial de Galicia.

Santiago de Compostela, 5 de xaneiro de 1999.

Dositeo Rodríguez Rodríguez

Conselleiro da Presidencia e Administración Pública

ANEXO I

Número de rexistro: 36.052.983.13 A2060.

Grupo: A.

Apelidos e nome: Pérez Ansede, Eva.

Posto de traballo: inspector/a de Servicios.

Nivel: 30.

Código do posto: PR.C04.00.000.15770.016.

Centro directivo: Inspección Xeral de Servicios.

Localidade: Santiago de Compostela.

Número de rexistro: 33.813.994.46 A2060.

Grupo: A.

Apelidos e nome: Sánchez Rubiños, Mª Luz.

Posto de traballo: subinspector/a de Servicios.

Nivel: 28.

Código do posto: PR.C04.00.000.15770.023.

Centro directivo: Inspección Xeral de Servicios.

Localidade: Santiago de Compostela.

0130