Con data do 24 de decembro de 1998 o Pleno da Corporación aprobou o prego de cláusulas administrativas para a contratación da obra de construcción do centro social en San Cibrao das Viñas, fase 2, o que se expón ó público na secretaría do concello, polo prazo de 8 días hábiles, contados a partir do día seguinte ó da inserción do derradeiro anuncio no BOP ou DOG, para que poidan presentarse reclamacións.

Simultaneamente, anúnciase a licitación para adxudica-lo contrato, se ben a licitación se aprazará cando resulte necesario, no suposto de que se formulen reclamacións contra o devandito prego.

1. Entidade adxudicadora.

Concello de San Cibrao das Viñas.

Dependencia que tramita o expediente: secretaría xeral.

2. Obxecto do contrato.

a) Descrición; realización da obra de construcción do centro social en San Cibrao das Viñas, fase 2.

b) División por lotes e número: non.

c) Lugar de execución: San Cibrao das Viñas.

d) Prazo de execución: 6 meses.

3. Tramitación, procedemento e forma de adxudicación.

a) Tramitación: ordinaria.

b) Procedemento: aberto.

c) Forma: concurso.

4. Orzamento base de licitación.

8.564.460 ptas. (oito millóns cincocentas sesenta e catro mil catrocentas sesenta pesetas).

5. Garantías.

a) Provisional: 171.289 ptas. 2% do orzamento base de licitación.

b) Definitiva: 4% do orzamento do contrato base de licitación.

6. Obtención de documentación e información.

a) Lugar: Secretaría do Concello de San Cibrao das Viñas, en horario de 9 a 14 horas.

b) Domicilio e teléfono: Casa do Concello de San Cibrao das Viñas, praza da Constitución 1. San Cibrao das Viñas. Teléfono: 988 38 10 34, fax: 988 38 11 01.

c) Data límite de obtención de documentos e información: ata o remate do prazo de presentación de proposicións.

Un exemplar do proxecto e do prego de cláusulas depositarase na Fotocopiadora Puga, situada na zona universitaria (Ourense) para a obtención de copias polos interesados.

7. Requisitos específicos do contratista.

a) Clasificación: grupo C, subgrupo todos (1 ó 9), categoría c.

b) Outros requisitos: os establecidos no prego de cláusulas administrativas.

8. Presentación de proposicións.

a) Prazo de presentación: 26 días naturais contados desde o día seguinte ó da derradeira publicación deste anuncio no BOP ou DOG de 9 a 14 horas. Se o último día fose inhábil ou sábado, o prazo finalizará o primeiro día hábil seguinte.

b) Documentación que hai que presentar: a que se indica no prego de cláusulas administrativas que rexe a contratación, consonte cos modelos que se establecen no dito prego.

c) Lugar de presentación: no rexistro xeral da casa do concello ou por calquera dos procedementos previstos no artigo 100 do Regulamento xeral de contratos do Estado.

9. Apertura de ofertas.

a) Lugar: Casa do Concello de San Cibrao das Viñas.

b) Data: o terceiro día hábil seguinte (excepto sábados) a aquel no que remate o prazo de presentación de ofertas.

c) Hora: 11 horas.

10. Outras informacións.

Os criterios de adxudicación serán os sinalados no prego de cláusulas administrativas.

11. Gastos do anuncio.

Os gastos que xere esta contratación serán por conta do adxudicatario.

San Cibrao das Viñas, 30 de decembro de 1998.

O alcalde en funcións

Rubricado

0149